• PLAN DI AKSHON
    MFK 2016
  • flag-curacao flag-holanda
Home Gerrit Schotte Korte ta rechasá enkuesta riba Schotte

Enkuesta Sivil den Kompanianan di Gobièrnu a keda aprobá.

Korte ta rechasá enkuesta riba Schotte

Willemstad, djarason 17 di yüli 2013

Den un reakshon riba e desishon di Korte èks Promé Minister i aktual miembro di Parlamento sr. Gerrit Schotte a duna di konosé, ku e ta haña ta ku rason Korte a rechasá un enkuesta riba su persona.

Mas ayá Schotte a deklará ku e lo por konsiderá e aprobashon dor di Korte di un enkuesta riba e aspektonan legal di tomo di desishon den kompanianan rasonabel, riba e kondishon si ku deliberashonnan i tomo di desishon polítiko keda afó di e enkuesta. Schotte: “Korte implísitamente ta indiká, ku e ta di akuerdo ku mi riba e punto aki.”

Deliberashonnan polítiko i tomo di desishon den Konseho di ministernan lo no forma parti di e enkuesta. “Un enkuesta sivil no ta e lugá apropiá pa responsabilisashon riba maneho polítiko.”

Schotte ta suprayá ku komo punto di prinsipio e ta boga pa duna kuenta i rason riba tur su eskohonan polítiko: “Transparensha i responsabilisashon pa mi komo polítiko ta núkleo di mi funshonamentu. Mi ta dispuesto pa responsabilisá mi mes na kada momentu dilanti Parlamento i ante pueblo pa e eskohonan polítiko hasí den e tempu ei, pero e enkuesta aki no ta e manera apropiá pa hasi esei.”

Enkuesta no ta instrumento pa buta preshon polítiko

“Korte a ninga di laga su mes ser usá pa e enkuesta fungi komo instrumento di preshon polítiko. Esei lo ta hopi peligroso pa demokrasia i pa polítika. Fundashon Akshon Sivil a trata di usa Ministerio Publiko komo mensahero pa finnan polítiko. Afortunadamente Korte no a bai di akuerdo ku esei,” asina Schotte a deklará.
schotte_parlement_mei2013

Webmaster

Leave a Reply