• PLAN DI AKSHON
    MFK 2016
  • flag-curacao flag-holanda
Home Gerrit Schotte MFK ta 100% LIMPI

MFK-Med-Lab_002

Komo ehèmpel, pa demas Parlamentarionan, e frakshon di MFK a pasa un tèst di droga (entre otro kokaina/mariwana), na final di e periodo di resès. Resultado di e pruebanan tabata negativo, pues esaki ta re-afirmá un biaha mas ku MFK ta 100% LIMPI.

Durante e periodo di resès reunionnan den Parlamentu a stòp, sinembargo frakshon di MFK a sigui traha, konsiderando e situashon aktual serio ku pais t’aden i e responsabilidat di komo mandatario. Parlamentarionan pa MFK ta kontinuá ku nan trabounan despues di resès 100% LIMPI!

MFK ta konsiderá ku ta importante pa esnan ku ta den puestonan ehekutivo manera Minister i Parlamentarionan ta limpi di droga na tur momentu. Komo mandatario mester tuma desishonnan ku ta influensiá hinter un pais i MFK ta haña ku mester por someté Minister i Parlamentarionan na prueba di droga na kualkier momento. Pa duna ehèmpel mesora, Parlamentarionan  Gerrit Schotte, Jacinta Scoop-Constancia, Gilmar “Pik” Pisas, Monique Koeyers-Felida i Amerigo Thode a pasa nan tèst di droga kaba i ta kla pa sigui sirbi pais despues di resès 100% limpi di droga.

MFK ta enkurashá demas Minister i Parlamentarionan tambe pa duna ehèmpel na pueblo i laga hasi un tèst di droga. Esaki sin duda lo kontribuí na e konfiansa den nos mandatarionan. MFK no a djis señalá o proponé, pero di forma konkreto a tuma akshon mesora i someté kada Parlamentario di su frakshon na un prueba kontra droga.

Riba e wèpsait ofisial di MFK i su lider Gerrit Schotte (www.gerritschotte.com), pueblo tambe por duna su opinion riba e tema tokante tèst di droga pa Parlamentario i Ministernan.

Di parti di frakshon di MFK pueblo por ta trankil, paso MFK sigur ta 100% LIMPI den Parlamentu.

MFK-Med-Lab_001

Webmaster

Leave a Reply