• PLAN DI AKSHON
    MFK 2016
  • flag-curacao flag-holanda
Home Amerigó Thodé Karta pa Presidente di Staten relashoná ku Futuro di DAE

Willemstad, 13 di ougùstùs 2013

Presidente di Parlamento
Señor M.C.F. Franco
Wilhelminaplein # 4
Presente

Tópiko: Delantá Reunion di djaluna 19 di ougùstùs 2013.

Honorabel señor Franco,

Suskrito den representashon di frakshon Movementu Futuro Kòrsou (MFK) i Frakson di MAN, pa medio di esaki ta aserká Bo persona ku e siguiente petishon.

Frakshon Movementu Futuro Kòrsou i Frakson di MAN a risibí un konvokashon pa asistí djaluna 19 ougùstùs próksimo, nueb’or di mainta, pa kontinuashon di un reunion públiko, den kua ta sigui trata e punto di agènda relashoná ku D.A.E.

Frakshon Movementu Futuro Kòrsou i Frakson di MAN a tuma nota ku último dianan konseho di minister ta den reunion ku trahadónan di DAE buskando solushon pa e situashon ku a surgi ku e kompania en general i trahadónan di D.A.E. en partikular. E problemátika ku a surgi mester tin priorodidat di tur sektor denter di komunidat! Si aworakí parlamentu no poné komo prioridat i si mira e efekto multiplikadó ku esaki tin, e konsekuenshanan por ta grave pa ekonomia.

Frakshon Movementu Futuro Kòrsou i Frakson di MAN ta di opinion ku no por tarda niun dia mas, pa konhuntamente buska i yega na un solushon duradero. Ta boluntat polítiko i komprenshon mester tin pa asina sano huisio por prevalesé.

Frakshon Movementu Futuro Kòrsou i Frakson di MAN entre otro pa e motibu ariba menshoná, ta aserká Bo persona ku e petishon pa mirando e prioridat, e importansha i e klaridat ku mester tin pa tur hende den e asuntu aki, pa delantá e reunion di djaluna próksimo. Nos frakshon ta sugerí Bo persona pa laga esaki tuma lugá e siman aki mes, mas tarda djabièrnè 16 di ougùstùs 2013.

Frakshon Movementu Futuro Kòrsou i Frakson di MAN, mirando e embergadura i e seriedat di e problemátika aki, ta pidi pa invitá tambe banda di e minister di Tráfiko i Komunikashon, minister Presidente, minister di Asuntunan Ekonómiko, minister di Asuntunan di Labor i Soshal pa nan tei presente na e reunion ariba menshoná.

Frakshon di MFK i Frakshon di MAN ta konta riba bo koperashon pa ku esaki.

Suskrito adelantá ta gradisí Bo persona pa kumpli ku nos petishon hasí i ta despedí ku un kordial saludo.

Na nòmber di frakshon Movementu Futuro Kòrsou i Frakshon di MAN,

Atentamente,

Gerrit F. Schotte
Lider di Frakshon di MFK

Hensley Koeiman
Lider di Frakshon di MAN

Amerigó Thodé
Miembro di Frakshon di MFK

dae-falcon-air-dc-9-83-n120mn-06ldg-sxm-cyllr

Webmaster

Leave a Reply