• PLAN DI AKSHON
    MFK 2016
  • flag-curacao flag-holanda
Home MFK Tanten ku ta boluntat di pueblo, mester respetá presensia di Gerrit Schotte...

Willemstad 10 di Sèptèmber 2014,

Ku asombro ma tuma nota di e deklarashon di parlamentario Armin Konket (PAR), ku ta indiká ku Gerrit Schotte, lider di Movementu Futuro Kòrsou, mester bandoná parlamento. Sigun Konket, señor Gerrit Schotte no mester ta den parlamento,debí na e investigashon hudisial ku ta andando den kaso di Schotte.

E petishon di e miembro di PAR, no tin ningun sosten den nos sistema legal. Nos leinan ta stipulá reglanan rígido tokante e momentu ku un persona por pèrdè sea su derechi pa vota òf su derechi di por wòrdu vota komo parlamentario. Lei ta indiká kua ta e kriterionan ku un pèrsona mester kumpli kuné, pa asina e persona por wòrdu elegí den parlamento. Pa pretendé di ekskluí un kontrinkante polítiko for di e parlamento, djis paso e kontrikante tin un akseptashon fuerte den komunidat, ta algu robes.

Den e kaso konkreto di e lider di Movementu Futuro Kòrsou, señor Gerrit Schotte, pueblo di Kòrsou, den e último elekshon na 2012, a otorgá MFK, liderá pa señor Schotte un kantidat di 18.450 voto popular. Pueblo di Kòrsou den un elekshon, liber sekreto, i demokrátiko, a indiká ku pueblo kier mira señor Schotte den parlamento. Señor Konket (PAR) mester siña respeta bos di pueblo.

E derecho pa wòrdu elegí komo representante di pueblo ta un derecho fundamental ankra den tratadonan internashonal. Den artikulo25 IVBPR, ku ta garantisá derechonan humano ta indiká ku: “Every citizen shall have the right and the opportunity, without any of the distinctions mentioned in article 2 and without unreasonable restrictions: to vote and to be elected at genuine periodic elections which shall be by universal and equal suffrage and shall be held by secret ballot, guaranteeing the free expression of the will of the electors”. Gerrit Schotte ta den parlamento paso pueblo di Kòrsou kier pa Schotte ta aden. Apesar di tur resentimentu pèrsonal di polítikonan, nos tur mester siña respetá e deseo di pueblo.

E mesun partido Polítiko PAR a warda un lider polítiko, sali for di prizon pa a forma Gobièrnu kuné. Armin Konket falta outoridat riba e materia aki.

sheldry-osepa-1

Webmaster

Leave a Reply