• PLAN DI AKSHON
    MFK 2016
  • flag-curacao flag-holanda
Home Gerrit Schotte A manehá FWNK similar na e manera ku Tromp ta run Banko...

Desèmber 2012 a entrega keho na OM pa benta di number ilegal na balor di 100 mion florin, pero nada no a sosodé

E gobièrnu aktual tin 2 aña ta skohe kua rapòrt e ta lèk pa prensa, e último rapòrt ku segun nan tabata importante ta un di SOAB riba FWNK. Pueblo ta pidi pa nan hasi meskos ku esun di Banko Sentral ya tur hende por saka nan mes konklushon. Kartanan ku ta indiká kon tur tempu Direktor i Bestür di FWNK anterior a neglishá di atendé ku e organisashon den manera korekto, si nan no ta lèk pa prensa. E.o. Kòntròl di sifra ta kana defisiente, nan debe SOAB míles i míles di florin, atministrashon ku simplemente no tei (anekso kartanan di SOAB 19 Yanüari 2012 i 30 Mart 2012) ta indikativo kuantu desòrdu finansiero tabata tin den FWNK.

No ta di mas menshoná ku den añanan 2001-2006 ta Gaming Control Board su direktor tabata fungi komo direktor di FWNK i bestür di Gaming Control Board tambe tabata fungi komo bestür di FWNK.

Ya ku e Minister aktual den Gabinete Asjes i su partido ta skohe pa di un forma selektivo ken si ta kuestioná pa mal maneho, nos ta fasilitá mas dokumento pa prensa i pueblo. Asina pueblo en general por sa presis ta kiko Direktor i Bestür di FWNK a bin konstatá den FWNK despues di 10 di Òktober 2010 (anekso karta di FWNK 4 Yanüari 2012).

Un fundashon enkargá ku Wega di Number Kòrsou;

  1.  sin proseduranan na lugá pa ku atministrashon,
  2.  sin kontròl interno
  3.  software pa atministrashon atministrativo “outdated”
  4.  no tin sistema di fakturashon na riferonan
  5.  no tin atministrashon di kaha (kas adminsitratie)
  6.  no tin dossier di personal
  7.  personal ta traha fe kas i haña time-back
  8.  sifranan anual di 2006,2007,2008 nunka a atendé manera mester ta
  9.  No tin backup di ningun data di FWNK

10. Server ta un mashin bieu

11. No tin erko den server room

12. Ta usa Internet pa Facebook

13. A neglishá Rapòrt di defisiensianan den IT di FWNK for di 2005

A avisá gobièrnu aktual ku benta di FWNK ta bayendo atras (anekso karta di FWNK 22 Yanüari 2013) pa motibu di oumento di OB 6% pa 9% i ku e subida di OB aki a laga kompra den esfera ilegal krese. Pueblo ta preferá kumpra 100 florin di number ilegal ku kumpra den un kantor i paga 113 florin ku ta 13 florin na impuesto. Pero pa esaki no tin oido.

A entrega keho na Ministerio Públiko (anekso karta di FWNK 14 Desèmber 2012) pa atendé benta ilegal, mirando ku gobièrnu i FWNK ta deha di haña entrada di un benta total di mas o ménos 100 mion florin, pero pa esaki tampoko no tabata tin oido. E gobièrnu ta preferá na introdusí impuesto nobo pa haña mas sèn den kaha for di pòtmòni di e pueblo enbes di atendé benta di number ilegal ku lo por hinka den kaha di gobièrno 6 pa 9 mion florin anualmente.

1. https://www.scribd.com/doc/247110808/Schuld-FWNK-Aan-SOAB-19-Januari-2012-Druk-Uitgeoefend-Door-SOAB-Verhoging-Betaling-Van-5000-Pm

2. https://www.scribd.com/doc/247110806/Constateringen-Interim-Directeur-4-Januari-2012-Bij-Aantreding-Binnen-FWNK

3. https://www.scribd.com/doc/247110803/Brief-SOAB-30-Maart-2012-Over-Interne-Organisatie-Bij-FWNK-Die-Sedert-2006-Laat-Te-Wensen

4. https://www.scribd.com/doc/247110802/Brief-22-Jan-2013-Min-Meo-Verhoging-OB-Funest-Voor-FWNK

5. https://www.scribd.com/doc/247110800/Aangifte-14-December-2012-Bij-Het-OM

number

Webmaster

Leave a Reply