• PLAN DI AKSHON
    MFK 2016
  • flag-curacao flag-holanda
Home Gerrit Schotte MFK ta apoyá trahadónan di Sunscape ku a uni bou di organisashon...

Strañesa kon na Sunscape referèndem a wòrdu yama den tempu rekòrt i na Aqualectra te ainda ta wardando mediador fiha fecha pa referèndem despues di 9 luna

Movementu Futuro Kòrsou, ta aploudí i sostené empleadonan den sektor di horeka/turismo ku kier organisá nan mes sindikalmente pa asina yega na nan propio Sindikato. E desaroyo aki ta sumamente positivo i por konta ku sosten di nos organisashon polítiko, esaki ta un evolushon sano i progresivo.

E libertat di kada empleado pa afiliá na e organisashon sindikal ku e ta deseá ta ankra den tratadonan internashonal (ILO) i ta un derechi fundamental di kada trahadó/empleado.

E siman aki riba petishon di e sindikato nobo na e hotèl Sunscape (na Bapor Kibra) Lider i miembro di direktiva di MFK a bishita e hotèl i a hiba kombersashon ku e direktiva nobo di e sindikato HIWA i tambe ku diferente empleado den diferente departamentu, pa asina nos por a komprondé nan inkietut nan i tambe konsehá nan riba diferente aspekto laboral.

E informashon ku lider di MFK a risibí serka e empleadonan a trese klaridat pa nos kiko ta e motibunan ku a indusi e empleadonan di Sunscape pa kuminsá ku nan propio organisashon sindikal den e hotèl aki.

Lider di MFK a mustra e empleadonan konserní riba e deber ku nan tambe tin pa ku nan trabou i den futuro si nan logra tin nan propio sindikato, e deber di sostené nan sindikato. MFK manera ya menshoná ta sostené tur akshon ku ta krea speransa nobo i positivo pa empleadonan den kualkier sektor i den e kaso aki sigur den e sektor di horeka pa organisá nan mes i uni bou di un bos, pa defendé nan derechonan.

MFK ta spera ku den e referèndem ku pronto lo wòrdu organisá den e hotèl ku empleadonan lo hasi uzo di nan derechi di voto i ku nan lo skohe e sindikato ku na nan huisio lo por defendé nan interes nan mihó. A hiba tambe kombersashon ku e gerensia nobo di e resort aki na Bapor Kibra splikando nan ku bou di tur sirkunstansha unidat bou di trahadónan ta algu sano i ku semper mester wòrdu respetá. Nos tin ku bisa tambe ku tin reakshon positivo di parti gerensia pa e hecho ku e unidat di trahadónan bou di un sindikato ta desaroyonan ku nunka no por wòrdu stroba.

No ta dimas pa bisa ku MFK semper ta dispuesto pa skucha i trata na fasilitá/yuda te kaminda ku esaki ta posibel, debí ku empleadonan den horeka na tur establesimentu mester tin trankilidat laboral pa asina nan por malkriá turistanan i tur bishitante ku ta hospedá den e hotèl kaminda nan ta laborá, pa asina garantisá ku e turistanan i bishitante nan en general ta bai ku e imáhen i sentimentu positivo di nos dushi Kòrsou.

Di e otro un banda e sindikato ku gana próksimamente e referèndem na Sunscape mester enkargá su mes ku e aspekto di kondishon nan laboral di tur e empleadonan di Sunscape, pa asina trese pas i trankilidat laboral na Sunscape pa bienestar di e kompleho aki na nos Turismo. #GFS2016

Direktiva di Movementu Futuro Kòrsou

Pa medio di su lider

Gerrit F. Schotte

 

Kòrsou, 7 di yüni 2015

 

Webmaster

Leave a Reply