• PLAN DI AKSHON
    MFK 2016
  • flag-curacao flag-holanda
Home MFK Atentado kontra Parlamentario di MFK

E biaha aki ta trata di eliminá parlamentario Amerigo Thode Kòrtando sistema di brek di su outo

Parlamentario Amerigo Thode tabata na Hulanda pa a representá frakshon di MFK na e reunion nan di IPKO di 23 di mei pa 7 di yüni 2015. Na su regreso for di Hulanda, Amerigo a tuma nota ku e sistema di brek di su pikòp no ta funshonando bon. Mesora el a tuma kontakto ku agensia di e outo pa nan kontrolá e pikòp pe.

Grandi tabata Amerigo su sorpresa ora ku e garashi a raporta por eskrito ku a kòrta e sistema di ‘speed sensor” na tantu e parti robes komo drechi di e pikòp. Esaki por ser konsiderá un atentado direkto riba bida di parlamentario Thode. (https://www.scribd.com/doc/268325935/Enbes-Di-a-Korta-e-Lina-Di-Brek-a-Korta-Wayanan-Di-Sensor-Di-Breknan)

Danki na Todopoderso ku esun (nan) ku a hasi esaki a kòrta e liñanan/pipa robes. Enbes di kòrta e sistema ku ta habilita e brek, a kòrta e sistema di sensor.

E situashon aki ta pone MFK kompleto den estado di alerta. E akto aki ta keda konsiderá komo un atentado kontra bida di parlamentarionan..

No ta un sekreto ku eks-hefe di servisio di Inteligensia, eks-Gobernador i eks-Prokurador general a hasi mal uzo di nan outoridat pa huntu ku otronan …. konspirá i orkestra un gòlpi di poder kontra gabinete Schotte.

Parlamentarionan i eks-ministernan di MFK ta konsiderá komo sospechoso den tur sorto di kaso. Di otro banda ta topa ekipo di spionahe den outo di Gerrit Schotte i te awe ministerio públiko no por kaba di investigá ta di unda e aparato aki a sali.

Otro prueba ku miéntras ministerio públiko ta hasi uzo di tur sorto método legal òf ilegal pa kaba ku miembronan di MFK, e mannan kriminal ku nunka no ta wòrdu investigá ta sigui atentá kontra bida di miembronan di MFK.

“Kòrsou pa medio esaki nos kier pone bosnan na altura di e suseso aki pa abo ta informá kon ta trata na eliminá miembronan di MFK”.

MFK lo drenta un reunion awor anochi ku karakter di urgensia.

Aangite: https://www.scribd.com/doc/268325825/Aangifte-10-Juni-2015-Parlamentario-Thode

Mira pòtrèt nan athunto:

Direktiva di Movementu Futuro Kòrsou

Pa medio di su lider

Gerrit F. Schotte

Kòrsou, 10 di yüni 2015

#GFS2016 #MFK

 

Webmaster

Leave a Reply