• PLAN DI AKSHON
    MFK 2016
  • flag-curacao flag-holanda
Home Jacinta Constancia Minister ta bin minister ta bai, pero te ainda no tin solushon...

Ainda tin un insertidumbre grandi ku kas nan di èks-Woningbedrijf SEMAKO ku despues di siere a bira Fundashon Kas Popular “FKP” y konsekuentemente e kas nan a pasa pa FKP. Kantidat grandi di e habitante nan aki tin e deseo di bira doño di e kas, pero te ainda no por trese un klaridat ni solushon pa e habitante nan aki.

A sinta ku èks-Minister di VVRP sr. Balborda ku a hasi yen promesa sin kumpli, i awor a sinta ku aktual Minister di VVRP sra. Suzy Camelia-Römer ku tin FKP na su enkargo i nada. Pero tur kos ta indikando ku no tin ni e interes ni e atenshon nesesario pa e problemátiko aki pa e 3200 famianan pa nan por yega na nan propio kas. Aki atrobe nos por mira ku pueblo ta keda perhudiká dor di un gobernashon ku no tin ni vishon ni direkshon.

Den hinter e insertidumbre aki e 3200 famianan nan a krea un Fundashon dirigí pa su direktiva ku ta fushonando bou di e nòmber “fundashon E hende”

Den e kuadro pa por yega na mas informashon y klaridat frakshon di MFK tabata tin kontakto ekstenso ku Fundashon “E hende” ku a trese nan prekupashon y tambe na ponensia na konosementu di MFK, pa asina nos komo representante di e pueblo aki pidi numa un reunion públiko pa nan por vosifera preokupashon di tur 3200 habitante nan publikamente.

Pa logra esaki frakshon di MFK den parlamento a pidi un reunion di komishon sentral pa asina debatí i diskutí riba e punto importante aki, kaminda tur aktor tin oportunidat pa vosifera nan ponensia y prekupashon. MFK a ekstendé un invitashon tantu nan Minister di VVRP sra. Suzy Camelia-Römer y tambe na Fundashon “E hende” pa asistí na e reunion. Asina aki por tende tur dos banda di medaya.

Huntu nos mester yega na un vishon i un direkshon final pa asina e pueblo por benefisiá i por bira doño di nan propio kas. Ban kaba ku tur diskushon y stòp di hasi polítika barata ku bienestar di nos pueblo ku meresé lo mihó di su mandatario.

Ami parlamentario sra. Jacinta Constancia ta finalisá bisando: “ban drenta un era nobo kaminda abo tambe por bira doño di bo propio kas” i basta ku gobièrnu nan forma abase di traishon.

Jacinta Constancia

Kòrsou, 21 yüli 2015

IMG_7479

 

#GFS2016 #MFK

 

 

Webmaster

Leave a Reply