• PLAN DI AKSHON
    MFK 2016
  • flag-curacao flag-holanda
Home MFK Sekretario General di MFK ta deklará – Pueblo di Kòrsou ta wòrdu...

Kategorisando nos pueblo komo unu ku ta vota pa partidonan korupto

Ta tristu pa pueblo di Kòrsou mester a tuma nota den un matutino na hulandes di djaluna 22 di febrüari na paginá 10, kon e lider di partido Pais ta insultá inteligensia di pueblo di Kòrsou i ta kuestioná e derecho ku kada siudadano di Kòrsou tin pa den elekshon liber i sekreto pa vota pa e organisashon polítiko ku nan ta deseá.

Den e matutino ariba menshoná nos por a lesa ku sr. Rosaria a deklará ku “MFK lo gana elekshon sakando 8 asiento. Korupshon a gana elekshon. Kòrsou ta e úniko lugá na mundu kaminda e poblashon a propósito ta vota riba partidonan polítiko korupto” Alex Rosaria ta deklará.

Parse ku segun e ku ta gobernando 41 luna sin interupshon kos lo drecha si e sigui insultá Gerrit Schotte i MFK i awor tambe insulto na Pueblo di Kòrsou.

Esaki ta un falta di rèspèt pa pueblo di Kòrsou, ku un lider di un partido polítiko, ku ya a kuminsá sinti e sabor di su derota ta insultá inteligensia di pueblo di Kòrsou di e forma aki.

Ta tristu pa konstatá ku despues di 41 luna den gobernashon sr. Rosaria no ta realisá ku e ta gobernando pa un pueblo ku sa di evaluá prestashon di un gobiernu. Ku pueblo di Kòrsou ta konsiente, ku no tabatin adelanto pa nan den e último 41 luna ku a transkurí.

Pueblo di Kòrsou si ta realisá ku e proseso penal kontra di Gerrit Schotte, ta un proseso polítiko, kaminda di un forma sin eskrupulo kier eliminá Gerrit Schotte pa un grupo di polítiko manera sr. Rosario sigui baila riba e músika ku otronan ku ta manda riba dje sigui toka.

No ta Gerrit Schotte su falta ku pueblo di Kòrsou ta mandando un mensahe kla na partido Pais, ku e no nada ku su gobernashon, kaminda a masakrá penshonadonan, kaminda ta konstruyendo un hospital ku su gastunan ta resultando dòbel di e gastunan presupuestá. Un gobièrnu, ku a suta pueblo ku tur sorto di medida fiskal, ku kier kue nos haf un biaha mas i hink’e den un situashon di Monopolio, kaminda desempleo a subi ku mas di 15%.

Kòrda ku Gerrit Schotte no a partisipá durante di e último 41 lunanan den tomo di desishon, ku awe pueblo di Kòrsou ta eksperensia problema den enseñansa, ku ta permití ministerio públiko persiguí yu nan di tera i laga europeonan baha bai liber despues di kometé fechoria. Pueblo ta lesa i tende kon na Hulanda polítikonan ta kometé tur sorto di korupshon i ta sentensia nan ku kastigu di trabou.

No insultá yunan di Kòrsou pasombra nan wowo ta hanchu habri i nan si ta komprondé e wega ku ta wòrdu hunga den arena polítiko i esun di hustisia. No insultá pueblo di Kòrsou pasombra nan no ta mira partido Pais komo un opshon pa vota riba dje. No insultá pueblo di Kòrsou pasombra nan ta konsiente ku e proseso kontra di Gerrit Schotte ta un #huisiopolítiko.

 

Direktiva i frakshon di MFK ta solidario ku nos lider polítiko i nos te ainda tin konfiansa den korte di hustisia. Direktiva di MFK ta gradesido na pueblo di Kòrsou pa e sosten ku nos a risibí i ta sigui risibí den e #huisiopolítiko ku nos lider ta pasando aden.

Sr. Rosaria pueblo di Kòrsou meresé un diskulpa di bo parti, pa e forma kon bo ta humiá nan ku bo deklarashon. De paso direktiva di MFK kier gradisí sr. Rosaria pa konsedé MFK, 8 asiento den e próksimo kontienda elektoral.

Direktiva di MFK

Sithree van Heydoorn

Sekretario General

Logo MFK un kambio sigur-final

 

 

 

 

 

 

#kambiosigur2016 #gfs2016 #mfk2016 #elekshon2016

Webmaster

Leave a Reply