• PLAN DI AKSHON
    MFK 2016
  • flag-curacao flag-holanda
Home Gerrit Schotte Parlamentarionan di koalishon a pone e chèri riba e bolo ayera...

Durante di e último 3 aña i 6 luna, konstantemente nos por a tende di e parlamentarionan ku ta sostené e gobiernu aki, ku durante gobernashon di gabinete Schotte forma pa MFK, MAN i Pueblo Soberano, tabatin mal maneho.

Kada desishon ku mester a wòrdu aprobá den Staten òf den konseho di minister e último 3 aña i 6 luna, semper tabata wòrdu bisti e bachi, ku mester tuma e desishon nan aki debí na mal maneho di gabinete Schotte. Hasta despues ku sr. Age Bakker a anunsiá ku durante di gabinete Schotte no tabata tin mal maneho nan a kontinuá.

Te ku e dia di awe den sala di parlamento e parlamentarionan aki huntu ku minister di finansa a kontinuá ku nan akusashon di mal maneho pa asina tapa, nan inkapasidat di no por a manehá e pais aki sin pasa medidanan ku a kibra forsa di kompra di pueblo di Kòrsou. Nan inkapasidat pa krea kupo di trabou, a pone ku awe desempleo a krese bou di e gobiernu aki, yega te na 15% un sifra espantoso.

Pa evitá konflikto di interes i pa duna e parlamentarionan aki e espasio nesesario pa tuma nan desishon si nan ta vota pa duna aprobashon òf desaprobashon na e kuenta anual di 2011, frakshon di MFK a bandoná sala di reunion di Parlamento pa no stroba e parlamentarionan aki di tuma nan desishon.

Despues di tur e boroto ku nan a hasi e último añanan i awe tambe den parlamento, nan a disidí di pone e Chèri riba e Bolo i duna gabinete Schotte discharge, aprobando e kuenta anual di 2011.

Pueblo di Kòrsou esaki ta un motibu mas ku 30 di sèptèmber próksimo nos mester vota pa “Un Kambio Sigur”, pa asina bo no sigui wòrdu engañá ku tabatin mal maneho i na final nan mes ta aprobá e kuenta anual pa duna Gabinete Schotte discharge.

Aki nos ta pone e splikashon di discharge na hulandes pa tur hende kompronde kiko a pasa awe;

“Het dechargeren, kwijting of uitslaan van een persoon is het ontlasten van een persoon van een bepaalde verantwoordelijkheid, zijnde een takenpakket, functie, ambt of verplichtingen in het algemeen. Dit gebeurt nadat een persoon gechargeerd is voor deze bepaalde verantwoordelijkheid en deze naar tevredenheid heeft vervuld. Ook gebeurt het ter afsluiting van een boekjaar, wanneer de algemene vergadering de jaarcijfers heeft goedgekeurd. Hiermee accepteert de vergadering dat de bestuurders hun taak naar behoren hebben verricht en ontlasten hen van aansprakelijkheid voor hun bestuur over dat jaar”

Na nòmber di Frakshon di MFK
sr. Amerigo C.M. Thodé

Webmaster

Leave a Reply