• PLAN DI AKSHON
    MFK 2016
  • flag-curacao flag-holanda
Home Gilmar "Pik" Pisas Otro “ Paluska” , di parti Gobièrnu i FDRS, kamuflá den...

Aseptando presupuesto 2017, Koalishon aktual i e nobo lo duna fundashon FDRS,

1.5 mion florin di pueblo atrobe

Dianan, 21 i 22 novèmber 2016, Parlamento a trata presupuesto di Kòrsou, den komishon sentral, miembronan di parlamento ta hasi pregunta relashoná ku sifranan di presupuesto presentá dor di Gobièrnu pa despues ku risibí kontesta trata esaki den reunion públiko pa aprobashon òf desaprobashon.

Durante preparashon pa Ministerio di Hustisia, nos frakshon a konstatá ku Minister di Hustisia, a presupuestá proyektonan ku metanan na rason total di 49 mion florin. Nos Frakshon no tin nada kontra pa minister den su maneho e pone énfasis riba kombatimentu di kriminalidat, hustamente ta esaki ta su trabou, maske ku esaki no a duna resultado den e último 4 añanan. Loke frakshon di MFK a konstatá ta ku Minister a presupuestá proyektonan na rason di 49 mion florin ku niun kaminda no ta aparesé kon e ta dek esakinan. Niun kaminda e 49 mion florin no ta aparesé, ni riba servisio general (gewone dienst) ni riba servisio di kapital (kapitaal dienst). Lokual Minister Navarro a proyektá na invershon tabata apénas 4.7 mion. E pregunta grandi a keda for di unda Minister lo saka e fondo pa kubri tur e metanan aki. Minister su kontesta tabata ku tur e proyektonan aki ta skonde den e sifranan di presupuesto na un otro kaminda i ku e lo manda esaki por eskrito.

Nos frakshon a konstatá ku un total di 1.5 mion florin a wòrdu presupuestá pa duna e.o kurso na mayornan i hóben nan (Anekso 1 pag. 128 Algemene Beschouwing) anekso-1-fdrs-tops

esaki a base di training ku e método ku yama Delta i TOPS. Na momento ku nos frakshon a tuma nota di esaki nos a kai ariba mesora ku e Fundashon Fondo pa Deporte i Responsabilidat Sosial (FDRS) lo bai risibí un montante konsiderabel pa duna e kursonan aki. Nos ta puntra nos mes, kon por ta posibel ku un fundashon fantasma ku promé ku e la lanta a risibí ANG. 500 mil florin, despues atrobe 800 mil florin ku awe ta prueba ku no a duna duna niun persona kurso ni na 2013 i 2014 ku e plakanan di supsidio duna dor di Minister Jardim (Anekso 2 – MB di Minister dunando den 24 ora supsidio mionario na 2013/2014). 

anekso-2-fdrs-tops

 

 

 

 

 

 

 

anekso-2a-fdrs-tops

 

Awor no ta supsidio mas, awor e eks-Parlamentario a fiks pa Jardim i Koalishon kumpra servisio serka FDRS pa duna training TOPS i Delta. Den nan mes relato anual por a lesa ku FDRS, a kumpra e lisensia di TOPS for di e Stichting 180, pa un periodo di 5 aña, asina nan so por duna e kurso. Nan a paga un montante di Fl. 218,011 pa esaki (Anekso 3 Relato Anual FDRS 2014).

anekso-3-fdrs-tops

 

E pregunta ta simpel kon por ta pagando montantenan asina grandi sin tin niun klase di benefisio pa pueblo di Kòrsou, ta yuda ta yudando e fundashon priva di e polítiko tòg?

Shonnan maskaradanan a kai den sala di Parlamento, durante di kontesta di Sr. Navarro, e la aseptá ku bèrdat ta FDRS lo duna e kursonan na ministerio di Hustisia.

Minister Navarro a bisa ku e kursonan lo ta grátis, debí ku ya Minister Jose Jardim a paga tur e gastunan pa ku e kursonan aki. Un biaha mas nos ta mira ku ora un hende ke laga aparentá di ta íntegro tras di kortina nan ta buska tur manera pa saka sèn ku ta destiná pa e pueblo su benefisio pa nan propio benefisio.

Aworakí a keda nos pa wak mas leu, den kuantu ministerio mas òf den kua kompania di Gobièrnu a regla pa e kurso TOPS i Delta wòrdu duna i kuantu entrada FDRS a generá for di esaki nan. Den e relato anual di FDRS, nan ta hasi menshon ku Gobièrnu a duna un mandato pa integrá e método di TOPS aki den tur ministerio. (Anekso 4 – Kuenta Anual FDRS integrashon den tur ministerio)

anekso-4-fdrs-tops

Ta kòrta supsidio den Fundashonnan di sumo importansia di Kòrsou, manera di FDKK i Fundashon Prevenshon anto di otro un banda ta parti plaka pa loko pa Fundashon ku for di su inisio a lanta pa a komplasé amigunan polítiko di PAR ku ta Glenn Sulvaran i Malvina Cecilia.

Na nòmber di frakshon di MFK.

Gilmar S. ‘Pik’ Pisas

Parlamentario

Kòrsou, 24 novèmber 2016           

gilmar-pik-pisas

 

Webmaster

Leave a Reply