• PLAN DI AKSHON
    MFK 2016
  • flag-curacao flag-holanda
Home MFK Denunsia entregá kontra Davelaar pa “valsheid in geschriften” durante reunion di 4...

A sera boka di Parlamentarionan trapando nos Areglo di Estado i Reglamentu di Òrdu di Staten

E akontesimentunan durante di e promé reunion di parlamento siman pasa 4 di yanüari 2017, a demonstrá e espíritu ku kual ta atendé asuntunan di pueblo den Parlamento.

  • Presidente di Parlamento ta ninga di duna palabra na parlamentarionan ku a pidi palabra na vários okashon.
  • Ta tuma desishonnan sin ku tin un mayoria den sala di parlamento, ku komo konsekuensia ta tuma desishonnan ilegal kual ta kontra di artíkulo 56 di Areglo di Estado.

Athunto: denunsia entregá kontra H. Davelaar – https://www.scribd.com/document/336267151/Onderwerp-Aangifte-tegen-Humphrey-A-Davelaar

A base di ariba menshoná ta engañá gobernador i Konseho Supremo Elektoral ku parlamento a eksaminá e kredensialnan i ku e personanan konserní a keda atmití dor di Staten.

Parlamento ta e órgano di mas haltu di pais Kòrsou i tin ku funshoná konforme nos Areglo di Estado i e Reglamentu di Ordu di parlamento. Den e reunion aki, presidente di parlamento, señor Humprey Davelaar a trapa riba nos Areglo di Estado i Reglamentu di Ordu di Staten i a tuma lei den su man di un forma diktatorial.

E situashon aki ta rekerí un investigashon di Raad van Advies i si no bin un deklarashon di Raad van Advies, nos lo kana otro kamindanan pa logra demostrá ku desishonnan tuma durante di e reunion di Staten aki tabata ilegal.

A kita outoridat di parlamentarionan elegí demokrátikamente i a skohe pa diktadura i e kaminda di engaño.

Kòrsou ta un Pais ku un estado di derecho demokrátiko, demokrasia a wòrdu buta un banda……..

Ayó nos demokrasia!!

 

Kòrsou, 10 di yanüari 2017

Na nòmber di e 9 Parlamentarionan

Athunto: denunsia entregá kontra H. Davelaar – https://www.scribd.com/document/336267151/Onderwerp-Aangifte-tegen-Humphrey-A-Davelaar

Webmaster

Leave a Reply