• PLAN DI AKSHON
    MFK 2016
  • flag-curacao flag-holanda
Home Gilmar "Pik" Pisas Pisas: Minister Kid Martina ta sostené e trayekto ku a kana pa...

Karta entregá: https://www.scribd.com/document/337045581/Minister-ta-sostene-e-trayekto-ku-a-kana-pa-a-yega-na-ICUC-International-komo-e-universidat-ku-mester-bai-duna-e-kurso-aki

Apresiabel señor Minister,

Na inisio di bo karera komo minister di hustisia, ta bon pa nos sa, kiko ta sr. Ornelio Martina jr. su posishon pa loke ta trata e trayekto tan diskutí di 5.6. mion florin pa un universidat riba papel i no operashonal, ehekutá e trayekto di un kurso na nivel di “Bachelor” pa kuerpo polisial. Pueblo di Kòrsou ta hopi indigná i rabia pa e forma no transparente i ekskluyendo nos Universidat Nashonal (UoC) i skol di polis (ORV) i ta otorgá e trabou aki na un universidat ku no ta operashonal.

Nos a tuma nota den prensa ku minister di enseñansa a firma un dekreto ku ta indiká ku ORV tambe por duna “Bachelor Opleiding” na polis, UoC tambe a duna di konosé ku nan ta dispone di tur konosementu, infrastruktura i kontaktonan ku universidatnan den region i na Hulanda pa por duna e kurso aki.

Tantu ORV i UoC debí ku ya nan ta dispone di un infrastruktura i dosentenan kalifiká por duna e kurso aki na un suma muchu mas abou ku e 5.6 mion ku e universidat riba papel a kobra gobièrnu di Kòrsou. Un entrada èkstra pa ORV òf UoC dunando e kurso aki lo tin un efekto finansiero ku lo trese benefisiosonan den futuro den sentido ku lo por sigui ofresé e kurso di “Bachelor” aki na otro kuerponan uniformá.

Teniendo kuenta ku e puntonan ariba menshoná, nos ta hasi minister Martina e siguiente preguntanan;

  1. Minister ta di akuerdo ku mester bin un kurso di “Bachelor” pa kuerpo polisial?
  1. Minister ta sostené e trayekto ku a kana pa a yega na “ICUC International” komo e universidat ku mester bai duna e kurso aki?
  1. Minister ta di akuerdo ku no a tene un destaho públiko pa un proyekto ku ta kosta 5.6 mion florin?
  1. Komo minister di hustisia minister ta aprobá ku minister di finansa ta firma un “Beschikking Achteraf” pa no a tene un destaho públiko?
  1. Minister ta haña ku ta korekto ku a ekskluí ORV i UoC for di e trayekto aki?
  1. Minister por informá Staten kon minister tin pensa di lo bai ehekutá e proyekto aki. Lo kontinuá ku e trayekto manera ku a atendé kuné te ku awor òf minister si lo bai kana un trayekto korekto?
  1. E minister anterior di hustisia a firma of duna enkargo na ORV pa firma e akuerdo di trabou ku “ICUC International”, no opstante ku Parlamento a pidi un investigashon di Kontrolaria General?
  1. Minister por informa si “ICUC International” a risibi pago kaba?

Nos ta konsiderá ku mirando e inkietut i rabia ku ta reina bou di pueblo di Kòrsou pa e forma kon gobièrnu kier duna un universidat riba papel i no operashonal 5.6 mion florin, ku e preguntanan aki meresé klaridat na representashon di pueblo. Nos ta spera ku e karta aki no mester warda mas ku seis (6) siman pa wòrdu kontesta.

Atentamente,

 

 

 

 

 

 

 

 

 

Gilmar “Pik” Pisas
Miembro di Parlamento

Frakshon di MFK

 

 

Webmaster

Leave a Reply