• PLAN DI AKSHON
    MFK 2016
  • flag-curacao flag-holanda
Home MFK Investigashon grupo di Bélgika a determiná ku 64.2 mion florin a verdamp...

Konstrukshon di Hospital Nobo tin un Gastu Adishonal di 64.2 Mion Florin

Lesa konklushonnan rapòrt VK architect & engineers (https://www.vkgroup.be/nl/over-ons/): https://www.scribd.com/document/338272129/Eindconclusies-en-Aanbevelingen-Tussentijdse-Evaluatie-HNO

SONA no a Kumpli ku su Tareanan

SONA komo “delegataris” (Degene (ambtenaar of bestuursorgaan) die van een (ander) bestuursorgaan diens bevoegdheid tot het nemen van bepaalde categoriëen besluiten heeft overgedragen gekregen; oefent vervolgens die bevoegdheid uit in plaats van het oorspronkelijke bevoegde orgaan. Bijv. de gemeenteraad delegeert de bevoegdheid tot het nemen van planschadebesluiten aan het college van burgemeester en wethouders.”)

Dor di un struktura organisatorio kompleho ku ta konta ku hopi kontrato i akuerdonan kaminda diferente interes ta involukrá, ta e motibu prinsipal ku konstrukshon di un hospital nobo no ta wòrdu logra konforme e planifikashon inisial.

Durante di e trayekto di konstrukshon ku ta andando no tabata tin un asina yama “Ownership/Gezag” riba e proyekto di parti di SONA, ku komo konsekuensia ku tin masha hopi “tegenvallers” i tambe desishonnan ku no a wòrdu tuma na tempu ku no tabata na benefisio di e proyekto. Miéntras ku tabata tin sufisiente tempu pa a hasi esaki efisiente i efektivo.

Fecha di Entrega di Hospital Nobo

Fecha di entrega di hospital tabata plania pa 26 sèptèmber 2017, debí na tur e problemanan durante di e trayekto di konstrukshon e fecha a bira awor 13 di ougùstùs 2018 i posibilidat ta grandi ku e fecha aki tampoko lo no ta esun definitivo.

Te ku awe no atendé ku e parti di ICT di e hospital nobo, esaki lo tin komo konsekuensia ku na momento ku e edifisio ta kla, ainda mester bai ekipá e hospital nobo ku makinaria, konsekuentemente esaki lo bolbe trese kambio den e fecha di inougurashon di e hospital nobo.

Kambio di e fecha di entrega di e hospital nobo dor di e kontratista ta debí prinsipalmente ku no a entrega e tereno na tempu i liber pa konstrukshon.

Kambio di lokalidat for di e tereno na Amstel pa konstruí na Otrobanda a hasi su impakto riba e retraso ku tin den konstrukshon i e fecha di entrega.

Den un palabra e kambio di Amstel pa Otrabanda tabata tin su impakto riba diferente trayekto den konstrukshon di hospital nobo i awe pueblo di Kòrsou mester paga e preis karu ku konstrukshon di un hospital nobo.

Gastu Adishonal, TIN MAS GASTU – MESTER DI MAS SEN pa Konstruí Hospital

E presupuesto pa konstrukshon di e hospital nobo definitivamente a wòrdu surpasá ku 64.2 mion florin. E chiste ku Whiteman, Victorina, Jardim i awor Zita Jesus Leito a bin ta relatá den Staten, esta ku “NOS TA BINNEN DE BUDGET” i ku miembronan di parlamento mester keda konforme ku e splikashon aki, kaminda nan tur sa ku esaki ta un mentira flagrante.

Transishon ta Wanta/Para

E transishon ta konsistí di 19 proyekto, di kual 5 di e trayektonan aki mester a kuminsá kaba (Zorg, Organisatiefilosofie, HR Roadmap, Opleiden, Trainen, bij-en omscholen, cultuur- en gedragsverandering, Leiderschaps-en managementontwikkeling)

Tur e proyektonan aki ta buta “ON HOLD” dor ku ministerio di Finansa a kòrta den e presupuesto di 22 mion ku originalmente mester ta disponibel ku 64% i hasi esaki 8 mion, ku komo konsekuensia ku mester a para tur proyektonan di transishon.

E kambio di e suma presupuesto aki ta unu iresponsabel i sin vishon.

Instalashon di e Sistemanan di ICT

Pa “inrichting” di e hospital nobo i tambe e proyekto di ICT no tin klaridat ta ken ta responsabel, tampoko pa kompra di makinaria médiko no tin klaridat i tampoko no a definí ken ta responsabel.

Tin sierto sondeo di merkado ta tumando lugá pa “inrichting” di e hospital nobo pa loke ta trata makinaria médiko “genees specialsiten”, den e proseso aki no ta kla definí kua makinaria mester kumpra nobo i kua lo bai over for di Sehos pa e hospital nobo, esaki debí ku no ta involukrá e spesialistanan sufisiente den e trayekto aki.

Gastunan Adishonal

Pa loke ta trata e parti di ICT i tambe e “Blok Inrichting” tin indikashon ku ta bai tin gastunan adishonal pa e parti di mantenshon i remplaso di makinaria médiko bieu. Den e tema aki Berenschot no por duna informashon verídiko i esaki tambe ta vago te ku awe.

Eksplotashon di Hospital Nobo

No tin klaridat riba eksplotashon di e hospital nobo, no tin un maneho stipulá;

  1. Rol di spesialistanan ku no lo ta riba payroll di hospital
  2. Repartishon di tareanan den 2de lijn zorg
  3. Repartishon di tarea pa Advent Ziekenhuis.

No tin maneho tampoko amplio riba “aanlsuiting” 1st lijn zorg riba e 3de lijn zorg.

HNO su presupuesto ta vulnerabel, mirando ku kompanianan ku ta bende ekiponan médiko i material a ofresé preisnan ku no a tene kuenta kuné den presupuesto original.

Dispensashon di Impuesto i O.B.

Gobièrnu no a regla dispensashon den e último 4 añanan di impuesto i O.B., pa e motibu aki tambe tin gastunan adishonal.

Laboratorio

No tin klaridat ainda si lo traha un laboratorio nobo den e hospital i remplasá ADC òf si lo traha un laboratorio nobo serka di hospital.

Definitivamente no tin klaridat unda e tereno ta kuminsá i unda esaki ta kaba, te ku awe esaki no ta “duidelijk”, meskos no tin klaridat over di gastunan pa suministro di awa i koriente.

No a kambia e programa di eksigensia (programma van eisen)

E gastunan adishonal den e proyekto di konstrukshon di hospital nobo, por a wòrdu evitá si Gobièrnu na momento di kambia e lokashon a kambia tambe huntu ku SONA e programa di eksigensia den e “beheersovereenkomst” ku e kompania di konstrukshon i otro partidonan envolví.

A kambia di un tereno bashí kla pa usa (greenfield – Amstel terrein) pa un (Brown field – Colon/Otrobanda)

Esaki ta un statement den e rapòrt;

“Het ging immers om kueze van een locatie die in eigenschappen total verschilde van de in eerste instantie gekozen locatie, hetgeen belangrijke gevolgen voor de bouw van het nieuwe ziekenhuis met zich zou meebrengen.”

Impase – SONA/BERENSCHOT

E kontrato entre SONA i Berenschot no por a wòrdu ehekutá di un forma efektivo i adekuá. Nan no a kumpli ku e “managment overeenkomst” ku komo konsekuensia lo no bai tin un solushon entre SONA i Berenschot por lo pronto.

E problema entre SONA i Berenschot no ta na benefisio di proyekto di HNO.

E relashon entre SONA i Berenschot ku tur probabilidat lo eskala den e próksimo lunanan den kasonan den korte i tambe akusashon entre nan kaminda esun lo kulpa e otro di fayonan grave den konstrukshon di hospital nobo.

Konklushon ta, ku mester terminá e “beheerovereenkomst” entre Gobièrnu i SONA.

Art. 7 insiso 1 di “bijlage” 4 di e “beheersovereenkomst” ta duna Gobièrnu e posibilidat pa terminá e kontrato.

 

Webmaster

Leave a Reply