• PLAN DI AKSHON
    MFK 2016
  • flag-curacao flag-holanda
Home Gerrit Schotte 1 dia di trabou na Miami ta produsí solushon Synergy Aerospace Corp-Insel...

Willemsatd/Miami, 2 di aprel 2017,

Den 5 dia di trabou, Gobièrnu nobo sostené dor di grupo G12 i Ministernan ta SKOR tremendo. Kambiando e paradigma di e “BUROKRASIA” den “RED CARPET” di gobernashon di Kòrsou, Gobièrnu ta los 2 proyekto grandi bon pa mas ku 800 kupo di trabou.

Synergy Aerospace Corp / Insel Air:

Den un bishita relámpago kaminda e boluntat polítiko di grupo G12 i e poder gubernamental presente, a reuní ku doño di “Synergy Corporation” i ku ta doño doño di Avianca Argentina,Ocean Air Brazil, Aeromar Mexico i Avianca Holdings, ku ta señor Germán Efromovich pa amplia i papia riba solushonnan konkreto pa e problemanan di Insel Air, manera entre otro e maneho di “Open Sky Policy”, kreashon di rutanan na un forma responsabel, rekuperashon di kuponan di trabou pèrdí, kambio di avionnan pa avionnan nobo i adekuá pa bula rutanan ku Kòrsou lo sigui ekspandé huntu ku nan den futuro, tabata parti di e agènda. 

Den e reunion aki disponibilidat di e konglomerashon Synergy Aerospace Corp. pa yuda Kòrsou solushoná e problema di Insel Air a wòrdu ekspresá positivamente di ámbos banda. For di e maneho polítiko ku nos lo hiba i e parti komersial e kombersashonnan a kana sumamente positivo i no tin duda ku grupo Synergy Aerospace Corp. sa kiko ta aviashon i kon pa alkansá metanan ku ta deseo di gobernashon di Kòrsou den e kuadro turístiko, loke pa hopi aña nos no a logra esakinan.

Synergy Aerospace Corp. kier hasi un “Corporate Turnaround” lo mas pronto posibel pa loke ta trata aviashon, si Gobièrnu di Kòrsou i polítika ta para tras di esaki.

  1. Den ménos ku 1 siman despues di yega na un akuerdo ku “Synergy Corporation”, e ekipo di lo start mesora ku training di personal pa atendé ku avionnan ATR-70 i Jetnan Airbus pa asina personal i pilotonan wòrdu kapasitá na e “Training Center” di nan na Bogotá.
  2. Den ménos ku 3 luna rutanan prinsipal lo wòrdu restablesé i ku “ON TIME PERFORMANCE”, manera kliente di un aerolínea mester wòrdu sirbi.
  3. Den ménos ku 1 siman lo solushoná problemanan ku tin na e momentonan aki ku IATA, pa loke ta benta di ticket.
  4. Lo intersedé tambe na fabor di Gobièrnu di Kòrsou pa e problema di Kategoria 2 bai 1 den korto tempu.
  5. Lo yega den korto tempu na u total di 400 kupo di trabou bek den Insel Air, di un forma responsabel i duradero.
  6. Kòrsou lo benefisiá di e aliansa ku resientemente e grupo a firma ku United Airlines (negoshashon ku a envolví 150 funshonario di nan pa 18 luna ku United Airlines)
  7. Nos lo ta parti di e programa “Star Alliance” ku lo duna nos akseso na 28 di e tòp liñanan aéreo di mundu ku ta traha den harmonia ku otro ku 1000 VIP “Lounges” rònt mundu, un programa pa spar mia (miles) ku hopi benefisio i tambe servisio speshal di “Security Clearance” na mas di 140 aeropuerto rònt mundu.
  8. Kòrsou ta sali for di 4 situashon penoso di aviashon ku nos a eksperensia durante di e último 40 añanan i pasa pa un merkado di aviashon serio i sólido.

Tur kos ta dependé na e momentunan aki di kréditonan ku nan ta pèrdè tur kos na momento ku Insel Air bai fayit òf si nos ta logra aktua di un forma responsabel i “Turnaround” den e próksimo siman, Insel Air den Synergy Aerospace Corp-Curacao. 

2 Hotel bek den full operashon:

Tambe e tim dinámiko di e grupo G12 i su ministernan a logra eliminá opstákulonan ku ta blòkiando e benta di e 2 propiedatnan di Kura Hulanda ku bankonan ta pendiente pa mas ku 1 aña i mei kaba, pa e propiedatnan aki wòrdu bende, ku grupo “ON VACATION” – http://www.onvacation.com/# 

E grupo di Sur Amérika aki tin mas di 4000 bendedó di nan paketenan turístiko rònt Mundo. E grupo aki a disidí ku nan kier kumpra 2 hotèl na Kòrsou na un balor di 18 mion dòler i ta ekspandé e propiedatnan aki ku 40 kamber mas aserka na e propiedat na Otrabanda i 100 kamber mas na e propiedat na Westpunt (Invershon bon pa mas di 20 mion dòler). Asina aki e grupo aki ta bai krea mas di 400 kupo di trabou den e dos propiedatnan aki, i nan operashon lo dòbel den e próksimo añanan e kantidat di bishitantenan for di Sur Amérika.

Ora poder di Pueblo ta wòrdu usa adekuadamente e logronan ta tuma lugá i na benefisio di Pueblo di Kòrsou. Pabien Kòrsou.

JOB WELL DONE,

Grupo G12 (Braam, Dannawi, MP, PS, KDNT i MFK) i nos ministernan di Gobièrno di Pueblo.

 

 

 

 

 

 

 

 

Webmaster