• PLAN DI AKSHON
    MFK 2016
  • flag-curacao flag-holanda
Home MFK Resultado di kontrolnan na Wholesalers i Supermerkadonan ta bochornoso, MFK ta yama...

Na: Presidente di Parlamento
sr. W. Millerson
Wilhelminaplein
Presente

Willemstad, 22 di mei 2017

Apresiabel sr. presidente,

Petishon komishon sentral konforme art. 33 di Reglamentu di Órden ku e punto di agènda;

Interkambio ku tim multidisiplinario MEO, Minister di Ekonomia i Minister di Hustisia ku karakter di urgensia.

Ta parse ku kontrolnan ku lo mester ta rutinario aña aden aña afó a deskubrí un abuso di marka mayó bou di nos komunidat.

Diferente establesimentunan den nos komunidat ku ta bende “Wholesale”, ta bende “Retail” (por detal) i loke por trese kuné tambe ku den e sirkulo di restorantnan lokal lo por ta bendiendo produktonan kaduká ku klientela ku konosementu òf sin nan konosementu.

Esaki a krea un deskonfiansa total den kiko realmente nos komunidat tin ku sigui komo punto di salida pa por tin 100% sertesa ku kaminda famianan ta depositá nan konfiansa pa kumpra komestibel realmente ta kumpli ku lei.

Ademas ta nase e pregunta si doñonan di Supermerkadonan/Kasnan di benta por mayor (Wholesalers) i otronan ta obra di buena fe i hasi negoshi ku mira di salú di e ser humano na promé lugá si òf no.

Tumando nota di deskubrimentunan di e último simannan ta nèt lokual ku nos no ke i no ta ferwagt den nos komunidat. Ta opvio tambe ku lokual ta sosodiendo tin hopi tempu tumando lugá i ku importadornan no ta aktuando konforme lei ni tampoko no ta obrando di buena fe den direkshon di nos komunidat, ta imperativo skucha e tim multidisiplinario i tambe minister di Ekonomia i esun di Hustisia.

Tambe nos por a konstatá ku empresarionan ta trata na impedí e trabou di prensa ku e ta e di kuater pila den nos sosiedat i esaki nos por ripara ku a pasa netamente na establesimentunan kaminda tin violashon di lei.

Nos komo legisladónan responsabel pa e komunidat aki mester ta na altura kua órganonan ta fayando di kumpli ku lei (tur sanshon ta regla kaba den Wetboek van Strafrecht), pa asina e tim multidisiplinario por aktua ku man duru den nan kontrolnan, sigur kontra esnan ku ta obrando konsientemente bendiendo produktonan kaduká na Kòrsou.

Nos ta keda en espera di bo konvokashon,

Atentamente

Frakshonnan firmante:

Webmaster

Leave a Reply