• PLAN DI AKSHON
    MFK 2016
  • flag-curacao flag-holanda
Home MFK Prensa na Kòrsou a demonstrá ku nan por adaptá pa uza Medionan...

Un Pabien di Kurason riba boso dia

Prensa ta un di pilarnan importante den un sosiedat, na Kòrsou e ròl ku Prensa ta hunga no ta ménos kompará ku ningun organisashon di Prensa di otro pais i ta p’esei nos komo un organisashon polítiko ta balorá e trabou di Prensa i ta konsiente di importansia di Prensa den nos sosiedat.

Movementu Futuro Kòrsou (MFK) no solamente kier felisitá miembronan di Prensa awe riba bosnan dia, pero nos kier pa bo(so) sa ku nos ta apresiá i balorá e trabou ku bosnan ta ehersé pa eduká i informá pueblo di Kòrsou.

Ku hopi orguyo nos a tuma nota, kon Prensa na Kòrsou a sa di adaptá su forma di trese notisia, na momentu ku retnan sosial a bira un kompetensia i trese posibilidatnan nobo pa Prensa yega serka esnan ku tin nesesidat di notisia aki na Kòrsou. Nos medionan di Prensa a sa di adaptá nan forma di funshoná i a inkluí di un forma profeshonal e parti di medionan sosial den presentashon di notisia, pa asina e notisia por yega mas rápido, pero tambe di un forma mas efikas i sigur serka pueblo di Kòrsou.

E kambionan ariba menshoná ta pone ku Prensa mester ta mas sigur di loke ta wòrdu publiká i e tempu nesesario pa verifiká e notisia ku ta wòrdu publiká ta hopi kòrtiku i tur esaki ku e pensamentu ku e medionan di Prensa mester mantené e konfiabilidat di e notisia presentá.

E motibunan ariba menshoná pa nos di MFK ta motibu pa felisitá bosnan kada un ku ta laborá den Prensa i bisa bosnan ku nos ta sumamente orguyoso di bosnan, pasombra apesar di tur e retonan aki bosnan nunka no a lubidá ku bo(so) tarea ta Eduká i Informá pueblo di Kòrsou di un forma ophetivo i kaminda sensashon mester hunga un ròl mínimo.

Pabien i ku Todopoderoso kontinuá guia bosnan pa trese informashonnan verídiko pero tambe pa bosnan por kontinuá ku e adaptashonnan nesesario pa presentá notisia pa medio di retnan sosial i e otro desaroyonan teknológiko.

Na nòmber di MFK

 

Gerrit Schotte

Lider Polítiko

1 di sèptèmber 2017

Webmaster

Leave a Reply