• PLAN DI AKSHON
    MFK 2016
  • flag-curacao flag-holanda
Home MFK MFK ta felisitá Gerrit Schotte ku su vishon pa invertí 25 mion...

Mañan “Groundbreaking” di proyektonan di bario di Gabinete Schotte, 25 mion florin pa Barionan firmá na 2012

Hasta den su ousensia ta sigui kosecha frutanan di proyektonan sostenibel prepará durante Gobièrno Schotte Okt 2010 – Sept 2012  “Plan Nashonal pa Desaroyo di Bario” 

Ku un plaser enorme, Movementu Futuro Kòrsou (MFK) a tuma nota ku gobièrnu di Kòrsou ta bai kuminsá ku trabounan pa mehora kalidat di bida den e bario di Nieuw Nederland i besindario. Esaki danki na trabounan inkansabel di eks promé minister i lider polítiko di MFK, ku den su periodo kòrtiku di gobernashon a logra aprobá ku “Union Europeo” ta aloká e fondonan di EDF 10 pa proyektonan den bario konforme e programa di Gobièrno Schotte “PLAN NASHONAL PA DESAROYO DI BARIO 2010-2014″ https://drive.google.com/file/d/0B5-WwtZZr3BwY3N6WjJISjdNLTQ/view?usp=sharing i asina halsa kalidat di bida den e 150 barionan ku retraso soshal-ekonómiko na Kòrsou.

Durante e periodo di gobernashon di gabinete Schotte a desaroyá un proyekto ku ta hiba di nòmber “Plan Nashonal pa Desaroyo di Bario”, di e 23 proyektonan pa aña 2012 a presentá 5 proyekto di e plan aki a na aña 2011 na representante di “Union Europeo” pa esaki wòrdu finansiá i eks promé minister Gerrit Schotte komo e TAO (Territorial Authorizing Officer) pa Kòrsou huntu ku e tim di Gobièrno a duna presentashon na 2011 na e representantenan di “Union Europeo” i a risibí e grato notisia ku parti di e proyekto di e 23 barionan riba skema pa aña 2012 lo wòrdu finansiá i gobièrnu di Kòrsou a risibí 25 mion florin pa asina por a kuminsá ku trabounan pa optimalisá e sinku promé barionan.

Read more Action Fiche: Proyekto entregá na Union Europeo na 2011 https://docs.google.com/document/d/1yHzGcTS2QAauwrNIz7QodeAagQfji49pOfroFUxf6jg/edit?usp=sharing

Pa motibunan ya konosí, di un forma abrupto i kontra di nos konstitushon a baha gabinete Schotte, loke a pone ku e proyekto di “Plan Nashonal pa Desaroyo di Bario” no a kontinuá, konsekuentemente e nivel di bida den e barionan a sigui bai mas atras pa e último 5 añanan ku a pasa.

Direktiva di MFK ta kontentu ku gabinete Rhuggenaath a tuma nota ku durante di temporada di kampaña elektoral di 2015 i 2016, MFK a trese dilanti den nos programa di akshon ku lo re-aktiva “Plan Nashonal pa Desaroyo di Bario”, ya ku e fondonan tei for di aña 2012 pa optimalisá nos barionan i mañan 25 di sèptèmber 2017, gobièrnu ta kuminsá hasi uso di e fondonan aki ku sr. Gerrit Schotte komo Promé Minister a aloká for di “Union Europeo” pa barionan di Kòrsou, i asina trabounan por kuminsá pa aliviá e situashon di e bario di Nieuw Nederland i besindario.

Nos ta spera ku mas pronto posibel lo kuminsá ku e otro kuater barionan, ku ta Kortijn, Fortuna Ariba fase 2, Tera Kora i Sapate blok H (Presentashon Juni 2012: https://docs.google.com/presentation/d/1mZl0of9xApsB9fDSvZWrOMm37-SYeT4WwTJYSB4FHeQ/edit?usp=sharing) pa asina e kalidat di bida wòrdu halsa den e barionan aki tambe.

Bestür di MFK kier felisitá abitantenan di Nieuw Nederland i besindario i nos sa ku bosnan soño pa mira bo(so) bario nechi a bira un realidat.

Pabien na nos eks promé minister i lider polítiko Gerrit Fransisco Schotte ku e logro grandi aki.

Frenciss “Renny” Lourens

Sekretario General MFK (527-5654)

 

Webmaster

Leave a Reply