• PLAN DI AKSHON
    MFK 2016
  • flag-curacao flag-holanda
Home Gerrit Schotte Malversashon ku rapòrtnan di taksashon pa benta di Kas di Kòrsou na...

Balor di e propiedat di 2007 kompará ku esun di 2014 tin un diferensia di 3.6 mion di euro ménos, e rapòrt di taksashon di 2017 ta mustra un devaluashon di mesun propiedatnan pa un montante di 1.6 mion Euro ménos kompará ku e taksashon di 2007

Awor ta konosí pa frakshon di MFK pakiko gabinete Asjes, Whiteman I i Whiteman II a skonde i komprometé benta di eks Kas di Antia/Kòrsou pa Staten di Kòrsou. Rapòrt di taksashon nan ku deliberadamente a wòrdu skondé pa Parlamento parsialmente a wòrdu pone na disposishon di parlamento siman pasa ta revelá e “sjoemel” ku sifranan den e diferente rapòrtnan di taksashon i ku a usa esakinan pa firma un akuerdo di benta dia 28 di sèptèmber 2015.

Gabinete Whiteman II, kaminda partido PAR tabata forma parti di dje a opta pa no manda e akuerdo di benta parlamento pa aprobashon i konsekuentemente tene e rapòrt di taksashon di e edifisionan skondí pa parlamento. E gobièrnu aktual su minister di VVRP ku ta di partido PAR bou di kual e responsabilidat ta kai pa a presentá e benta aki na Staten pa aprobashon, tambe a trata na tene e rapòrtnan di taksashon di 2017 skondí pa parlamento. Debí ku e rapòrt di taksashon di 2017 ta mustra ku tin un diskrepansia ku e sifra ku ta aparesé den e akuerdo di benta di sèptèmber 2015. 

Na 2007 a balorá edifisionan na Den Haag ku tabata forma parti di “Antillenhuis” ku tabata propiedat di Antia Hulandes na un balor di 6.4 mion Euro, pero na momento di firma e akuerdo di benta na sèptèmber 2015, komo propiedat di gobièrnu di Kòrsou a usa un rapòrt di balor di 2.7 mion euro pa sera e akuerdo. A firma un akuerdo di benta pa e 3 edifisionan pa 3.7 mion euro ménos.

Manera ya menshoná awe na 2017 e gobièrnu aktual Gabinete Rhuggenaath na lugá di goberná di un forma transparente, a purba siman pasa di skonde e rapòrtnan pa parlamento kaminda e balor di e propiedatnan na 2017 ta aparesé. E dokumentonan di 2017 ta indiká ku e balor kompará ku e rapòrt e di 2015, tin un diskrepansia di miónes di euro kompará ku e suma di benta di sèptèmber 2015.

Mal gobernashon, esaki ta trese kune awor ku 21 luna despues ke obligá Staten di atende ku un dil ku a bai robes riba tur “front” i awor ku tin but i beslag riba Gobièrno di Kòrsou ta manda mitar informashon pa Staten tratele den reunion públiko.

Kantor di Taksashon Balor di taksashon di e edifisionan durante aña
2007 2014 2015 2017
Cirk & Verhoog Taxaties & Consultancy € 6,450,000.00
Berger & Klode € 2,761,000.00
Dorp Begrijfsmakkelaar   (2nd Opinion) Ta ratifiká raport Berger & Klode
Rottgering Makelaars € 4,052,000.00 € 4,600,000.00
Cirk & Verhoog Taxaties & Consultancy € 4,760,000.00

 

Gerrit F. Schotte

Kòrsou, 25 di sèptèmber 2017

Webmaster