• PLAN DI AKSHON
    MFK 2016
  • flag-curacao flag-holanda
Home MFK MFK ta felisitá gobièrnu di China, relashoná ku nan di 19 kongreso...

China ta un di e paisnan ku a desaroyá un ekonomia ku no solamente a trese prosperidat pa nan abitantenan, pero e mesun ekonomia fuerte aki ta hunga un ròl importante den desaroyo ekonómiko di diferente otro pais. 

Basa riba e éksito finansiero i ekonómiko di China, presidente di China sr. Xi Jinping i alabes lider polítiko di e partido na mando, ta tene tur aña un kongreso kaminda nan ta bin huntu pa debatí i pone prioridatnan pa asina nan por sigui desaroyá modelonan ku ta sirbi pa kontinuá ku un maneho finansiero ekonómiko duradero eksitoso.

E forma ku a desaroá China ta un soño ku kualke pais ta soña kuné i MFK su deseo i soño tambe ta di mira Kòrsou un dia finansieramente i ekonómikamente fuerte i esaki ta motibu ku lider polítiko di MFK a entrega na konsulado general di China aki na Kòrsou un karta pa presidente di China sr. Xi Jinping ku palabranan di felisitashon pa e 19 kongreso ku ta bai tuma lugá, pero tambe pa e forma eksitoso di manehá un pais asina grandi i desaroyá ekonomia na benefisio primeramente di su abitantenan i pa fasilitá otro paisnan tambe den nan desaroyo.

 

Kòrsou, 15 di òktober 2017,

Gerrit F. Schotte

Lider Polítiko i

Lider di Frakshon di MFK

Webmaster

Leave a Reply