• PLAN DI AKSHON
    MFK 2016
  • flag-curacao flag-holanda
Home Gerrit Schotte Chip riba plachi di number òf riba bo vehíkulo ta invashon den...

E desishon di Gobièrnu aki ta kontra di libertat i bo derechonan humano

Ni gobièrnu nan komunista no a yega asina leu den historia di komunismo ku kiebro di privasidat di su abitantenan. Ta insolito e proposishon di lei ku e lider polítiko di PAR i aktual Minister enkargá ku kartera di VVRP sra. Zita Jesus-Leito a bin kuné pa inkluí un chip den plachi di number pa supuestamente evitá ladronisia di outo.

“Human rights are rights inherent to all human beings, whatever our nationality, place of residence, sex, national or ethnic origin, colour, religion, language, or any other status”. “We are all equally entitled to our human rights without discrimination”. “These rights are all interrelated, interdependent and indivisible.”

UNIVERSAL DECLARATION OF HUMAN RIGHTS
Official Document

Article 3. Everyone has the right to life, liberty and security of person.

Article 13.   1. Everyone has the right to freedom of movement and residence within the borders of each State.

Ora pueblo skohe pa un gobièrnu ku no tin kunes ku un pueblo, ta e tipo di desishonnan deskabeyá aki, nos komo pueblo lo keda haña un tras di otro te aña 2021.

Na Europa e organisashon Privacy First (https://privacyfirst.eu/) a lanta su bos kontra e mesun intenshon den pasado di Gobièrnonan ku kera hinka e “SPYCHIP” aki den plachi number, realmente desperdisio di fondo públiko atrobe, un proyekto fantasma sin niun base legal. – https://privacyfirst.eu/privacy-first/art/tag/RFID.html

Si Gobièrnu lo a indiká na pueblo ku ta e sistema di kámaranan karu kumpra na INSPUR, lo ta bai kuminsá hasi “License Plate Recoginition”, pa asina kuminsá but vehíkulonan ku ta infringí lei di tráfiko, nos por komprondé. Pero e akto di spionahe públiko aki di instalá chip riba nos vehíkulo nan pa asina gobièrnu por vigilá kon mi ta move den mi propio Pais ta algu inakseptabel. Esaki no por i frakshon di MFK no lo permití pa algu asina aki tuma lugá tampoko.

Bo ke persiguí un hende hasi esaki pa medio di leinan penal vigente pa asina esaki tuma lugá legalmente. Nada otro no ta akseptabel, si ta un lei PAR/MAN i PIN ta bai bin Parlamento kune pa hasi esaki posibel, kaminda derechonan ku kada ser humano tin na Kòrsou nos no lo permití esaki i gobièrnu lo ta violando leinan universal di derechonan humano, FRAKSHON DI MFK LO VOTA KONTRA!

Gerrit F. Schotte

Lider di MFK

Kòrsou, 29 di òktober 2017

 

Webmaster