• PLAN DI AKSHON
    MFK 2016
  • flag-curacao flag-holanda
Home MFK Dia Internashonal di Abolishon di Sklabitut

Mundu kompleto ta selebrá riba 2 di desèmber dia internashonal di abolishon di sklabitut, pero en realidat i pa straño ku por ta sklabitut te ainda ta eksistí.

Pa nos di Movementu Futuro Kòrsou (MFK) selebrashon di abolishon di sklabitut ta un dia ku nos ta selebrá ku sentimentunan miksto, pasombra sklabitut moderno no ta diferensia for di e sklabitut ku nos a konosé por medio di nos historia kaminda Tula i Bashan Karpata a hunga un ròl prominente den terminashon di era ei di sklabitut na Kòrsou.

Na mundu, inkluso Kòrsou te ainda nos konosé sklabitut moderno ainda i e sifranan ta alarmante;

  • 3 mion di hende den sklabitut moderno
  • 1 di kada 4 víktima ta un mucha
  • 8 mion hende muhé ta wòrdu eksplotá seksualmente

Pa nos di MFK, Kòrsou no mester ta parti di sklabitut moderno, ta p’esei MFK for di nasementu di nos organisashon polítiko, nos a bin ta bringa kontra di forsanan den nos pais ku di un forma kamuflá ta praktiká sklabitut moderno.

Ta p’esei nos lo no sosegá komo MFK pa kibra bareranan i akshoná pa esnan ku ta wòrdu trata komo esklabo den e era moderno aki i wòrdu liberá.

Ban libra nos kompatriotanan di sklabitut moderno, huntu nos por logr’e.

 

Na nòmber di Direktiva di MFK

Kòrsou, 2 di desèmber 2017,

 

Gerrit Schotte

Lider Polítiko MFK

 

Webmaster

Leave a Reply