• PLAN DI AKSHON
    MFK 2016
  • flag-curacao flag-holanda
Home Gerrit Schotte Instituto di investigashon di Gobièrnu Hulandes “WODC”, ta kambia resultado di rapòrtnan...

Instituto “WODC” korumpí, tur rapòrt traha dor di nan i ku tabata punto di salida pa posishonnan polítiko i hasta den korte awe nan kredibilidat ta nulo, un gòlpi na demokrasia, un Berguensa!

Nada “Wetenschappelijk” mas bien un burla i insulto na inteligensia di e ser humano, nos tur sa kon grandi e interes di polítiko nan Hulandes ta pa guiá sierto desishon nan riba nos islanan den sierto direkshon ta. Pero tòg bo ta keda asombra kon lew nan por bai. Insolito pero bèrdat e skandal ku awe tin Hulanda den su garanan ta e manipulashon polítiko ku den e instituto investigativo di gobièrnu Hulandes a sali na kla. E instituto aki ta wòrdu manipulá dor di “Politiek Den Haag” pa akomodá obviamente semper nan agènda.

Ku otro palabra resultadonan di rapòrtnan ku gobiernu nan den otro islanan den Reino a debatí riba dje den “Eilandsraad” nan di pasado i Staten di e paisnan nobo nan verasidat i kredibilidat ta na diskushon i por ta nulo. E rapòrtnan aki ta na duda aworaki i por a wòrdu traha di tal manera ku e resultado semper tabata konkluí ku lokual “Politiek den Haag” kier a mira komo konklushon final den e rapòrtnan aki. Nada ku a wòrdu traha dor di WODC den koperashon òf dor di nan no ta konfiabel despues di e eskandolo aki.

 

Pa Kòrsou ta nifiká ku tur e rapòrtnan menshoná aki, nan verasidat i kredibilidat ta nulo;

  1. Aña 1993 – Veel Voorkomende Criminaliteit op de Nederlandse Antillen.
  2. Aña 2002 – Nederlandse Antillen en Aruba – 2002, nr. 1 (Samenvatting – Dit nummer is gewijd aan de Antillen en Aruba, met veel aandacht voor de Antilliaanse problematiek van migratie, armoede, criminaliteit en postkoloniale sentimenten).
  3. Aña 2009 – De Nederlandse Cariben – 2009, nr. 5 (Samenvatting – Aan de vooravond van ingrijpende staatkundige veranderingen op de Nederlandse Antillen wordt in dit themanummer gepoogd de contouren van deze veranderingen in beeld te brengen, de invloed ervan op de rechtshandhaving te duiden en te laten zien hoe de aanstaande veranderingen her en der in het Koninkrijk worden beleefd.)
  4. September 2015 – Eindverslag Evaluatiecommissie Justitiële Rijkswetten.
  5. Juni 2016 – Evaluatie Doelmatigheid Consensusrijkswetgeving van VJ voor de Koninkrijksdelen – FASE 1
  6. Juli 2017 – Verkenning Doelrealisatie Communicatiemiddelen Caribisch Nederland (Samenvatting – Dit rapport is de uitkomst van een onderzoek naar de technische en operationele mogelijkheden voor het verbeteren van communicatie en informatie-uitwisseling tussen burgers, hulpdiensten en besturen op Caribisch Nederland).

Frakshon di MFK den yanüari 2018, lo yama un reunion públiko pa debatí ku Gobièrnu riba e tópiko grave aki, tumando nota ku hopi desishon pa kambionan na nos sistema demokrátiko i nos struktura estatal nobo a wòrdu basa pa medio di rapòrtnan di WODC i awor ta resultá ku nan no tabata basa riba resultadonan sientífiko, sino riba deseo polítiko (Politiek den Haag). Ademas e análisis di leinan di konsenso prolongá tambe a wòrdu hasi bou di koordinashon di WODC. Tur esaki ta lamentabel, polítikonan Hulandes ta hasi nan mes inkonfiabel ku e práktika aki.

 

Gerrit F. Schotte

Lider di MFK

Miembro di Parlamento

Kòrsou, 17 di desèmber 2017

Webmaster

Leave a Reply