• PLAN DI AKSHON
    MFK 2016
  • flag-curacao flag-holanda
Home Gerrit Schotte Mañan “Groundbreaking” di mas proyekto di bario di Gabinete Schotte awor...

Den su ousensia ta sigui kosecha frutanan di proyektonan sostenibel prepará durante Gabinete Schotte 10 Okt 2010 – 29 Sept 2012  “Plan Nashonal pa Desaroyo di Bario”

Ku un plaser enorme, Movementu Futuro Kòrsou (MFK) a tuma nota ku gobièrnu di Kòrsou ta bai kuminsá ku trabounan pa mehora kalidat di bida den e bario di Tera Kòrá, Kortijn Otrobanda i Sapaté.

Esaki danki na trabounan inkansabel di eks promé minister i lider polítiko di MFK, ku den su periodo kòrtiku di gobernashon a logra aprobá ku “Union Europeo” ta aloká e fondonan di EDF 10 pa proyektonan den bario konforme e programa di Gobièrno Schotte “PLAN NASHONAL PA DESAROYO DI BARIO” i asina halsa kalidat di bida den e 150 barionan ku tin retraso soshal-ekonómiko na Kòrsou.

Action Fiche Project Curacao EDF Doc 12 june 2011 by Gerrit Schotte on Scribd

Durante e periodo di gobernashon di gabinete Schotte a desaroyá un proyekto ku ta hiba di nòmber “Plan Nashonal pa Desaroyo di Bario”, di e 23 proyektonan pa aña 2012 a presentá 5 proyekto di e plan aki a na aña 2011 na representante di “Union Europeo” pa esaki wòrdu finansiá i eks promé minister Gerrit Schotte komo e TAO (Territorial Authorizing Officer) pa Kòrsou huntu ku e tim di Gobièrno a duna presentashon na 2011 na e representantenan di “Union Europeo” i a risibí e grato notisia ku parti di e proyekto di e 23 barionan riba skema pa aña 2012 lo wòrdu finansiá i gobièrnu di Kòrsou a risibí 25 mion florin pa asina por a kuminsá ku trabounan pa optimalisá e sinku promé barionan.

Nos ta lamenta ku e proyekto di bario Fortuna Ariba Fase 2 a kai afo, ku esaki lo a kompleta e proyekto manera Gabinete Schotte a entregá originalmente.

Direktiva di MFK ta kontentu ku gabinete Rhuggenaath a tuma nota ku durante di temporada di kampaña elektoral di 2015 i 2016, MFK a trese dilanti den nos programa di akshon ku lo re-aktiva “Plan Nashonal pa Desaroyo di Bario”, ya ku e fondonan tei for di aña 2012 pa optimalisá nos barionan i mañan 8 di febrüari 2018, gobièrnu ta kuminsá hasi uso di e fondonan aki ku sr. Gerrit Schotte komo Promé Minister a aloká for di “Union Europeo” pa barionan di Kòrsou, i asina trabounan por kuminsá pa aliviá e situashon di e bario di Tera Kòrá, Kortijn Otrobanda i Sapaté.

Presentashon EDF 10 Pa Plan Nashonal Desaroya Bario by Gerrit Schotte on Scribd

Bestür di MFK kier felisitá abitantenan di Tera Kòrá, Kortijn Otrobanda i Sapaté i nos sa ku bosnan soño pa mira bo(so) bario nechi a bira un realidat.

Pabien na nos eks promé minister i lider polítiko Gerrit Fransisco Schotte ku e logro grandi aki.

 

Frenciss “Renny” Lourens

Sekretario General MFK (527-5654)

7 di Febrüari 2018

Webmaster

Leave a Reply