• PLAN DI AKSHON
    MFK 2016
  • flag-curacao flag-holanda
Home Gerrit Schotte Mas i mas mentira di PAR ta sali na kla, ta nan...

Simannan largu kaba nos a bin ta tende sra. Alcala-Walle ta manipulá ku ta Gabinete Schotte i ku ta Gerrit Schotte ta esnan kulpabel pa desaparishon di 985 mil florin pa sentro deportivo na Barber haña su yerba artifisial

No tin niun mentira ku lo kue forsa i haña rais den nos pais tanten ku MFK ta eksistí. Mi Gobièrnu no a tuma desishon pa manda sèn pa niun organisashon ku finalmente no a hasi lokual nan tabata tin ku hasi ku e supsidio duna for di plaka di Pueblo.

Karta fecha 17 di ougùstùs 2010 manda pa Minister Leeflang i Minister de Lannoy ta indiká kon tur kos a kuminsá. E organisashon a haña sa ku tin sèn ku por haña i e la pidi i nan a haña esaki. Riba fecha nan di 17 di sèptèmber 2010 i 6 di òktober 2010 e gobiernu di PAR a ratifiká e petishon di e organisashon pa haña 985 mil florin, pero te awe e yerba artifisial pa deportistanan praktiká deporte nunka no a yega. E sèn a somentá den algu otro anto awor ta purba bisa ku ta Schotte su falta i ta nos a kue e sèn.

Sèn ku mester a sòru pa un vèlt pa hubentut por hasi uso di dje i desaroyá nan mes riba tereno deportivo. Ami Gerrit Schotte a haña mi obligá di bai buska pa sa kon e hinter e proseso tabata hinka den otro realmente, pasombra atrobe ta tira falta riba Gabinete Schotte i Gerrit Schotte anto komo strategia tur hende papia riba Schotte atrobe enbes di puntra unda e sèn a bai realmente.

Realidat ta ku den ménos ku dos (2) luna a aprobá pura pura e sèn pa pone yerba riba e vèlt, pero e sèn a wòrdu gasta pa algu otro, e sèn no a wòrdu usa pa lokual e supsidio a wòrdu duna. Porta e sèn a “end up” den uso di fondo pa kampaña di partido PAR anto kier bin tilda ami, Gerrit Schotte di a kue e sèn.

Dokumento – Petishon na Gobièrno Antiano i desishon di Gobièrno Antiano: (https://www.scribd.com/document/372646575/Stuknummer-RNA-4136-985-mil-florin-ku-a-disparse-Gobie-rno-Antiano-17-Sept-2017)

MFK, ni lider polítiko Gerrit Schotte no lo tolerá niun mentira mas di Gabinete Rhuggenaath i integrantenan di PAR den Gobièrnu ni tampoko Parlamentarionan di PAR. Meskos ku Fundashon “Bon Bibienda” a haña sèn di Landsloterij na komienso di 2010 pa usa na den kampaña na sede di PAR, awe nos a sa di un Fundashon mas ku a haña sèn brutu di kaha di Gobièrnu ku nunka no a yega su destino final, ku ta Vèlt di Barber su instalashon di yerba artifisial.

Ku e dokumento anekso e bèrdat ta dokumentá i papia, buska pa sa awor ta ken a kue e sèn pa a pone yerba artifisial na e vèlt di Barber, paso no ta MFK ni tampoko Gerrit Schotte. Lesa pa boso mes, Prohibí pa lubidá!

Stuknummer RNA# 4136 985 mil florin ku a disparse – Gobièrno Antiano – 17 Sept 2017 by Gerrit Schotte on Scribd

Gerrit F. Schotte

Lider di MFK

Kòrsou, 28 di febrüari 2018

Webmaster

Leave a Reply