• PLAN DI AKSHON
    MFK 2016
  • flag-curacao flag-holanda
Home Gerrit Schotte MFK ta felisitá “The Coffee Factory/Barista” ku a gana e konseshon pa...

Cedric Sprock i kasa, pero tambe e tim di mas di 80 trahadónan, ta motornan tras di konsepto di outlets nan Barista ku a presentá un proyekto ekselente ku ta inkluí tur ingredientenan pa Barista ta un “World Class Airport F&B” Outlet

No opstante kritiká fuerte di nos frakshon den direkshon di maneho di nos aeropuerto dor di e kompania CAP, den un reunion konstruktivo sostené ku direktor sr. Blanchard aña pasa e la indiká na nos ku nada no ta regla (di fix) pa ku konseshon nan i ku nos por tin e garantia ku lo tin un proseso transparente.

Nos tabata enfátiko den e reunion aki ku pa nos, tur e tiendanan di komersiantenan lokal ku tin 10, 20 i 30 aña den nos aeropuerto ta e pioneronan ku a manehá e tiendanan aki di tal forma ku nan a sobrebibí pèrdida di ALM, DCA, DAE, Aeropostal etc etc. i ku lo ta un gòlpi duru pa sigui pèrdè kuponan di trabou awe den 2017/2018 pa motibu ku markanan di afó ta gana konseshon nan den nos aeropuerto lokal.

Pa nos di MFK na Kòrsou ta Barista ta nos Starbucks, pa nos ta Barista ta nos Juan Valdez, meskos ku nos no por yega aeropuerto el Dorado na Bogota i topa Barista di Kòrsou einan, esaki ta debí ku Juan Valdez tin e promé konseshon duna na dje, di e mes un forma nos ta ferwagt ku ta rekonosé e kalidat haltu i profeshonalisá duna di parti di grupo The Coffee Factory/Barista ku durante di e último 10 añanan den bon i malu di nos industria di aviashon na nos aeropuerto, Barista a sa di duna su kontribushon na desaroyo di nos aeropuerto i ekonomia di Kòrsou.

I nos ta mas kontentu di tende ku sr. Cedric Sprock i kasa i su tim a sabi di presentá huntu ku nan Banko un proyekto di tal kaliber ku nan a alkansá tur ekspektativa di un “World-Class Airport F&B Outlet”, ku mundialmente lo mester kumpli kuné i ku pa e motibu aki nan ta ganadó di e konseshon di F&B na aeropuerto di Kòrsou.

Pabien na e famia di “The Coffee Factory/Barista”, ku awe ta konta ku mas di 80 trahadó i ku e atkisishon aki lo por sigui hasi esfuersonan pa krese e kompania lokal aki, pa asina di un forma sostenibel duna nos yunan di tera mas i mas trabou i kontribuí na nos ekonomia, Pabien!

Home

 

Gerrit Fransisco Schotte

Lider di MFK

Kòrsou, 4 di mart 2018,

 

Webmaster

Leave a Reply