• PLAN DI AKSHON
    MFK 2016
  • flag-curacao flag-holanda
Home Gerrit Schotte Gabinete Rhuggenaath a soru ku 500 trahado di Insel Air a perde...

KOMUNIKADO DI PRENSA

Frakshon di MFK a entrega awe un petishon pa un reunion di komishon sentral relashoná ku e kompania di aviashon Insel Air, ku komo tópiko;

Petishon reunion di komishon sentral konforme art. 33 relashoná ku último desaroyonan na e kompania di aviashon Insel Air ku ya a bira propiedat di gobiernu di Kòrsou

Frakshon di Movementu Futuro Kòrsou (MFK), a tuma nota ku a nombra un direktor nobo na Insel Air i tambe ku pa medio di deklarashonnan di Minister di desaroyo ekonómiko “PSB Bank” a fasilitá un fiansa di 1.5 mion dòler na Insel Air i ku “Curacao Airport Holding” (CAH) a para garantia pa e fiansa aki.

No ta un sekreto públiko ku Insel Air ya pa algun aña ta konfrontando tantu problema tékniko komo finansiero, apesar di konsehonan negativo di parti di ministerio di finansa, gobiernu di Kòrsou na yanüari 2017, a duna Insel Air un fiansa di 33.1 mion florin, ku komo argumento prinsipal ku e fiansa aki ta pa por salvaguardá tur e eks 600 kuponan di trabou ku ántes Insel Air tabata empleá.

Gobiernu a atkerí akshonnan den Insel Air i a nombra un hunta di komisario i a bin ku un e promé biaha ku un eksperto Kanades for di eksterior pa a fungi komo direktor di Insel Air. Motibunan ku gobiernu a duna pa a trese un direktor nobo, ta ku e persona ta un eksperto riba tereno di aviashon i e tin e konosementu pa por pone Insel Air bek riba pia, pa medio di un plan di stabilisashon ku lo a ser ehekutá.

Den luna di mart 2018, un aña i dos luna despues Minister Steven Martina enkargá ku e kartera di Insel Air ta bolbe presentá un otro ekstranhero e biaha aki un Hulandes Europeo pa remplasá e eksperto Kanades ku a ser nombra na yanüari di 2017 i ku palabranan masha elokuente ta informá di su konosementu i ku awor si e Insel Air tin e persona indiká pa por guia e kompania I pa pone e chèri riba e bolo un biaha mas Insel Air ta risibí un fiansa garantisá di CAH na un balor di 1.5 mion dòler.

Gobiernu mester bin duna kuenta i rason den Parlamento di kua ta e direkshon ku tin pensa pa kontinuá ku Insel Air, nos por a tuma nota ku resientemente den e rapòrt presentá pa Standard & Poors i tambe e siman aki den prensa di parti di CFT, ku tur dos entidat ta menshoná ku gobièrnu a kumpra su mes e problema di Insel Air, na lugá di a laga un tersera kumpra e aerolínea aki i gobièrnu simplemente por a fasilitá kambio di lei pa hasi esaki posibel, pero Gobiernu a skohe pa laga Insel Air bira un di e faktornan di riesgo pa finansa públiko di Kòrsou.

Esaki ta motibunan sufisiente pa frakshon di MFK manda un mensahe serio den direkshon di gobiernu ku no por kontinuá hinka sèn den Insel Air a base di un maneho di “Trial and Error”.

Na nòmber di frakshon di MFK,

 

Gerrit F. Schotte

Lider di Frakshon

Kòrsou, 5 di aprel 2018

Webmaster

Leave a Reply