• PLAN DI AKSHON
    MFK 2016
  • flag-curacao flag-holanda
Home Jacinta Constancia Constancia-MFK: Servisio di Ministerio SOAW ta plat varios siman kaba pa motibu...

Señor Minister Koeiman,

Sra. Jacinta Constancia, Parlamentario pa frakshon di Movementu Futuro Kòrsou (MFK) ta lamentá ku presidente di parlamento te ku awe no a kumpli ku e petishon di frakshon di MFK fecha 6 di aprel 2018 pa yama un reunion urgente riba e edifisionan kaminda SOAW i Imigrashon ta ubiká, e praktiká aki a bira manera un kustumber pa Presidente di Parlamento.

Tumando na kuenta ku Presidente di Parlamento ta priva nos funshonamentu komo Parlamentario pa debatí den sala di Parlamento, ta pone ku nos mester rekurí na un otro método ku Reglamentu di Orden ta duna nos pa ehersé nos trabou i esei ta di hasi e minister konserní pregunta relashoná ku e tópiko ariba menshoná

Segun informashon ku frakshon di MFK ta dispone di dje, ta asina ku e gran parti di empleadonan públiko a wòrdu repartí den otro departamentonan di e ministerio SOAW i tambe den otro edifisionan di Gobièrno. Esaki ta trese kuné ku pueblo di Kòrsou ku tin di risibí e servisionan ku SOAW ta responsabel p’e, no ta haña servisio optimal pa ku nan problema(nan), debí ku empleadonan mes ta pendiente pa haña klaridat kon nan tin ku funshoná pa ku e parti di teknologia/sistema pa nan por duna un servisio.

E asuntu ta muchu mas serio ku solamente repartí empleado públiko nan den otro lokalidat nan ku ta resorta bou di SOAW i òf edifisionan di otro ministerionan, sin ku a atendé e parti di komunikashon di sistema ku e servernan prinsipal ku tabata ubiká den e edifisio ku tin problema na Punda.

Karta Constancia-MinSOAW Inz Situashon Aktual Di Edifisio Den Punda by MFK on Scribd

Webmaster

Leave a Reply