• PLAN DI AKSHON
    MFK 2016
  • flag-curacao flag-holanda
Home MFK Abitantenan ku tin un pèrmit di residensia permanente i ku ta biba...

Despues di a risibí konseho di “Raad van Advies” riba e proposishon di lei ku frakshon di MFK a entregá, nos a entregá e vershon final. Ku e kambio aki den nos Areglo di Estado, abitantenan ku ta dispone di un pèrmit/residensia fiho i ta abitá pa mas ku 10 aña i ku ta kontribuí durante di e añanan biba den nos Pais na nos ekonomia tambe lo tin e derechi di partisipá den un proseso elektoral.

Nos dushi Kòrsou ta konosí pa e diversidat di personanan di diferente nashonalidat di por ehèmpel: India, Colombia, Lebanon, China, Santo Domingo, Haiti, Perú, Merka, Canada, Spaña, Portugal, Israel etc. etc., ku ta biba na Kòrsou i frakshon di MFK ta kere ku hopi di e personanan aki ku residensia permanente na Kòrsou mester tin derechi pa despues di tantu aña biba na Kòrsou, trahando aki nan, kontribuyente, ku nan mester por vota den elekshon aki na Kòrsou. Algu ku ta deskirbí ampliamente komo un derecho universal di un siudadano.

Tin diferente di e personanan aki ku no solamente ta forma parti di nos sosiedat, pero tambe ya pa hopi dékada ta komersiantenan ku a bin ta invertí i krea kuponan di trabou pa nos yunan di Kòrsou, nos no mester lubidá esaki i hopi di nan pa e sentimentu di patriotismo pa e pais kaminda nan a nase nunka no a opta pa un pasaporte hulandes. Pero Si nan a skohe pa hasi invershon den diferente forma aki na Kòrsou.

Nos por mira na Kòrsou kuantu komersiante, Libanes, Arabe, Portugues, Indio, Asiátiko, Kolombiano, Venezolano, Jamaikino, Sürnameño i diferente otro nashon nan mas tin negoshi aki na Kòrsou. Manera ya menshoná nos di MFK ta konvensí ku si nan ta dispone di un pèrmit di residensia fiho despues di a biba mas di 10 aña, ku e abitantenan aki konosé kultura di Kòrsou i ya ta parti di nos sosiedat ku sufisiente partisipashon den dje pa nan por partisipá den un proseso elektoral, komo votante.

Awe frakshon di MFK a entrega e vershon adaptá di e lei riba nos areglo di estado ku e konsehonan di “Raad van Advies” na Parlamento pa asina esaki wòrdu trata den komishon sentral i finalmente aprobá den reunion di Parlamento. Asina por trese e kambio nesesario den nos Areglo di Estado i seguidamente por trata e kambio di e lei Elektoral pa por kompletá e totalidat i otorgá na nos abitante i rumannan di un otro nashonalidat, pero ku a skohe nos Kòrsou komo nan kas i ku un pèrmit di residente fiho lo por haña derecho di vota.

 

 

 

 

 

 

Kòrsou, 4 di sèptèmber 2018,

Na nòmber di frakshon di MFK,

Gerrit Schotte

Webmaster

Leave a Reply