• PLAN DI AKSHON
    MFK 2016
  • flag-curacao flag-holanda
Home Charles Cooper Relato di trabou di Parlamentarionan di MFK na Parlatino, un presensia regional...

For di aña 1964 Parlamento di diferente paisnan den Latino Amérika i Caribe a forma un Parlamento Latino Amérikano yama Parlatino. Hopi ta trabou i logronan, ku hopi Parlamentario a logra pa medio di Parlatino.

Kòrsou den konstelashon di Antia Ulandes i awor tambe komo Pais Kòrsou ta miembro aktivo di Parlatino. E motibu ku Kòrsou ta miembro di Parlatino, ta debí ku nos Pais ta mira e importansia i un balor agregá pa por desaroyá nos konosementu i interkambiá ku 22 pais den nos region riba temanan di interes general.

Defuntu sr. Ricardo Elhage na aña 1975 pa 1977 tabata e úniko yu di Kòrsou ku a fungi komo Presidente di Parlatino i esaki ta ratifiká e importansia pa Kòrsou ta miembro di Parlatino (http://parlatino.org/).

Parlamentarionan pa Movementu Futuro Kòrsou (MFK) sra. Jacinta Constancia i sr. Charles Cooper a bishita Argentina i akudí dianan 6 i 7 di sèptèmber 2018 na e reunionnan di Parlatino den kuadro di trabou, kaminda a trata diferente tema di interes general, manera entre otro;

  • Promové kapasidat i aprendisahe permanente pa un kresementu inklusivo i trabou desente, Fortalesé e protekshon pa e futuro di trabou, Promové formalisashon laboral i trabou desente, temanan den banda ku tambe a haña atenshon ta: personanan ku inkapasidat, dimenshon di género i dialogo social, formalisá i promové trabou desente den tur ambitó, estrategia di G20 pa eradiká trabou infantil, trabou forsoso, tráfiko di hende i esklavitut modern, estrategia pa protekshon sosial.

    Tendensianan global ku a trata:

  • Kambionan teknológiko ta sosodé rápido, kambionan teknológiko no nesesariamente ta redusí puestonan di trabou, automatisashon lo afektá mayormente trabounan rutinario, trabounan independiente i trabou nan manual, negoshinan por ta global, sin nesesidat di ta pertenesé na un empresa grandi. (Internet mobil, Automatisashon di konosementu, Teknologia den nubia (cloud), Robòtika, Vehikulonan outónomo, Almasenahe di energia,
    Energia renovabel, Explorashon i rekuperashon avansá di Petroli i Gas.)
  • Kon ta bai dil ku hendenan ku ta skonde tras di akount nan falsu riba e diferente plataformanan Digital, agrediendo, difamá i insultá otronan asina violando otro su derechi.
  • Komunikashon interno i eksterno i su konsekuensia i influensia nan pa loke ta trata servisio, seguridat i protekshon pa yega na solushon ku por ta duradero pa tur pais den Latino Amérika i Caribe.

Aparte ku e diferente plataformanan di retnan sosial tin mekanismo pa blòkia i reportá, tòg hopi biaha e daño a ser hasi kaba i bo no por haña e malechornan. Pasobra ta akount fake, meskos ku den e mundu análogo tin un hende òf entidat responsabel pa lokual ku sali publiká den medionan análogo, mester bini un manera di responsabilisashon den e mundu digital.

Tur pais miembro total di 23 pais a konkluí ku ta bon pa un delegashon di Parlatino papia ku Google, Facebook, Twitter o i otro medioanan riba medionan soshal pa wak kon konhuntamente por yega na un maneho pa ku e fake akountnan aki i ken ta tras di nan.

Alabes despues di dos dia intensivo den reunion nos por indiká di ta satisfecho ku resolushonnan ku lo sirbi nos i tur otro paisnan den Latino Amérika i Caribe.

 

Boso Sirbidornan

Jacinta Constancia i Charles Cooper

 

Webmaster

Leave a Reply