• PLAN DI AKSHON
    MFK 2016
  • flag-curacao flag-holanda
Home Gerrit Schotte Gerrit Schotte i MFK: Derechi riba edukashon ta nifiká derechi riba un...

Pa e motibu aki Movementu Futuro Kòrsou (MFK) i su lider Gerrit Schotte kier para ketu mañan 5 di òktober 2018 riba e dia importante aki.

Ta di mas bisa ku futuro di un poblashon ta basá riba su hubentut.

P’e motibu aki ta sumamente importante i esensial pa nos hóbennan risibí un bon edukashon i kapasitashon durante nan trayekto di kresementu pa bira mañan ku Dios ke adultonan responsabel i bon kapasitá pa progreso i desaroyo di nos pais i su poblashon.

Pa esaki por ta posibel mester pèrkurá tambe pa un nivel haltu di kapasitashon di nos maestro i maestranan, ku nan na nan turno lo sòru pa un bon edukashon i kapasitashon di nos hóbennan.

MFK i su lider Gerrit Schotte ke felisitá awe tur maestro, maestra, ku di un òf otro forma ta kontribuí na edukashon di nos poblashon.

Boso aporte awe ta e kontribushon na un fundeshi sólido di un pais fuerte i bon eduká pa un mañan próspero pa nos dushi Korsou.

Den kuadro di e dia aki #WorldTeachersDay nos lo hasi entregá di un Water Cooler na un skol den oranan di mainta. Den kuadro di e dianan di temperaturanan haltu den klasnan afektando nos maestronan i nos alumnonan nos lo siguí hasi entregá di “Water Coolernan” na diferente skolnan komo un aporte na e kousa, asina aliviando e falta ku esaki ta hasi.

Nos komo organisashon no tin akseso na e fondo públiko for di oposishon, pa asina kumplí ku tur e nesesidatnan na tur skol pero denter di nos forsa nos lo ta kumpliendo ku un kantidat konsiderabel di “Water Coolernan” na diferente skol.

 

Di parti di Movementu Futuro Kòrsou (MFK) i su Lider Gerrit Schotte,

Pabien na tur Edukador i sigui ku e bon trabou.

Kòrsou, 4 di òktober 2018

Webmaster

Leave a Reply