• PLAN DI AKSHON
    MFK 2016
  • flag-curacao flag-holanda
Home Charles Cooper Direktor di prisòn kier humiá Gerrit Schotte i ta trapa riba su...

Direktor di prisòn kier humiá Gerrit Schotte i ta trapa riba su derechinan
ku e tin komo detenido den SDKK ku ta ankra den lei

Dia 18 próksimo, korte lo trata e kaso entamá pa Gerrit Schotte, kaminda entre otro lo bai mustra dikon ta importante pa e fiskal Italiano bin duna su deklarashon bou di huramentu na korte.

Korektamente abogado di Gerrit pa medio di un karta a informá maneho di prisòn ku su kliente tin un kaso den korte i ku e mester ta presente durante di e tratamentu di e kaso aki. Den mes un karta e abogado ta hasi un petishon na gerensia di prisòn ku pa medio di artíkulo 16 di insiso 4 (mira dokumentonan athunto), Gerrit tin derechi di bai korte ku paña normal bisti i no den e unifòrm kolo oraño ku prezunan ta bisti den prisòn. Mi ta sita;

“De gedetineerde kan tijdens zijn verblijf in een gesticht door de locatie directeur worden verplicht om bepaalde kleding te dragen. Daarbuiten heeft hij in principe het recht om eigen kleding te dragen, tenzij veiligheidsoverwegingen, zoals vluchtgevaar, zich daartegen verzetten (artikel 16)”

Direktor di prisòn a informá abogado di Gerrit ku e lo no honra e petishon hasi i Gerrit mester bai korte ku e unifòrm di prisòn bisti. Esaki no ta nada otro ku violashon di derechi di un detenido, miéntras ku lei ta papia palabra kla, esta “ku un detenido ku no ta un peliger pa komunidat òf ku no tin peliger pa e hui, tin derechi di bai korte den paña normal.

Gerrit Schotte a mèldu su mes boluntariamente na Ministerio Públiko e siguiente dia ku su sentensia a bira konosí i riba instrukshon di fiskal di ministerio públiko a bai un karta pa Ministerio Públiko ku un petishon pa Gerrit drenta prisòn mas lat. Ora no a haña kontesta di Ministerio Públiko Gerrit a yama un konferensia di prensa i informá komunidat ku e lo bai entrega su mes pa sinta su kastigu.

Esaki ta mustra ku no por tin di parti di maneho di prisòn e preokupashon òf miedu ku Gerrit lo por hui, tampoko Gerrit no ta un menasa ni ta un peliger pa komunidat.

Nos no por yega na otro konklushon ku kier humiá i trapa riba derechinan di Gerrit. Un gerente ku respetá su trabou i leinan ku ta rigi kon e mester atendé ku derechi di otronan, no por pone lei un banda pa imponé su deseo i /òf di otronan.

Nos ta lamentá profundamente ku esnan den kadena hudisial te ainda no ta satisfecho ku nan a logra di sera Gerrit komo un prezu polítiko den SDKK, pero nan ke sigui buska tur forma di humiá i torturá.

Kòrsou, 14 di yanüari 2019

Charles Cooper
Miembro di Parlamento pa
Frakshon di MFK

Webmaster

Leave a Reply